It(em) marc post nu ter tijt meye(r) van groot adorp woenen(de) te cleyn/ adorp heeft gelooft collijne de ronchijn dat hij ter stont alsulken/ seker nemen sal vand(en) wynnerssen gielijs van hoeye des jongen
//
onder hem gesete(n) dat de selve wy(n)nersse van hue(re)n pachte/ die sij van des selfs gielijs van hoeye goeden sculdich/ sal wordden van desen tegewoirdig(en) jae(re) dat de selve/ collijn alst sal sijn verschenen betailt sal wordden van/ dien twee rinsche guld(en) die de selve gielijs van verschenen(en)/ van lijfpen(sien) den vors(creven) collijne sculdich es en(de) van sulk(en)/ coste(n) van rechte als nu de selve colijn om de vors(creven) twee/ rinsche guld(en) betailt te hebben uutgeleecht heeft om exe/ cucie te hebben vand(en) selven scepen(en) brieve(n) van dien/ spreken(de) cor(am) meldert burg(imagistro) oct(obris) vi[ta]