Cond zij allen lieden dat jan mennekens joessone in p(rese)ncia/ heeft genome(n) ende bekint dat hij genomen heeft jege(n)
//
meester jaspar kynscot ende janne blideleve(n) hebben(de) des
//
volcome(n) p(ro)curacie vanden goidshuyse van tongerloe thof/ des voirs(creven) goidshuys gelegen toutgarden mette(n) woeni(n)ge(n)/ huysen hoven wynnen(de) lande bempden eeusselen bogarde(n)/ thienden en(de) allen ande(re)n toebehoirten gelijc en(de) also v(er)re/ daneel van s(in)truden voe(r) en(de) de selve jan me(n)nekens/ na de voirs(creven) goede in pechtingen gehouden heeft Te houde(n)/ te hebben en(de) te wynnen van halfm(er)te naestcomen(de) eene(n)/ t(er)mijn van xiii jaren v(er)volgende elcx jaers dare(n)bi(n)ne(n)/ om en(de) voir xcii mudde ende twee zister pachttarwe(n)/ goet ende payabel der maten van thienen te weten/ sesse halster der selver maten voir elc m(ud)[de] gerekent/ vijf m(ud)[de] witter erweten der maten voirs(creven) ende twee/ nuwe vrancr(ijx) cronen tsinte andriesmisse apostels te be/ talen ende tvoirs(creven) coren en(de) erweten te thienen te levere(n)/ inder herbergen des voirs(creven) goidshuys den voirs(creven) p(ro)cureurs/ des voirs(creven) goidshuys quol(ibe)t ass(ecutum) It(em) sal de voirs(creven) wynne de(n)/ voirs(creven) termijn lang dueren(de) de huysinge vanden voirs(creven)/ hove houden den voirs(creven) t(er)mijn lang duerende houde(n) wel/ ende loflijc van wande ende van dake mair oft d(air) aen/ van nyeuwen wercke yet gebrake te maken dair af sal/ de wynne ongehouden zijn Voirt sal de selve wynne/ betalen jaerlijcx allen den chijs ende co(m)mer uute(n) voirs(creven)/ goeden gaende sonder afslach vanden voirs(creven) pachte also/ in tijts dat dair gheen schade af en come It(em) sal de voirs(creven)/ wynne jaerlijcx halen met zijnen wagen ende p(er)den/ inde stad van namen sestien assen van wagen(en) die tvoirs(creven)/ goidshuys dair sal doen coepen ende die sal de wy(n)ne/ leveren in des voirs(creven) goidshuys herberghe te thienen/ It(em) sal de voirs(creven) wynne des voirs(creven) abts thiende wijn/ doen vergaderen ende bringen op mijns he(re)n cost inde/ voirs(creven) herberghe dair af de selve wynne hebben sal/ een ame wijns tsijnen verdoene It(em) sal de voirs(creven) wynne/ de voirs(creven) lande den voirs(creven) t(er)mijn lang dueren(de) wel ende/ loflijc wynnen werven ende mesten gelijc reengenote(n)
//
boven ende beneden ende die laten tsijnen afsceyden gelijc hij/ die vinden sal tsinen afsceyden aencomen dats te weten/ den wynteraert te cappendale houdende viii(½) boender be/ zayt met wynt(er)coren op vier getidige voren den zom(er)art/ en(de) de brake half omgedaen Ende waert dat bij roeke/ loosheyden des voirs(creven) wynnen oft zijns huysgesins/ de voirs(creven) huysinge verbernde(n) dat soude de selve/ wynne ten p(ri)se van goeden mannen de(n) voirs(creven)/ goidshuyse moete(n) verghelden en(de) verbernden die/ van wegen des abts oft zijns gesints roekeloosheit/ oft van vyantscape ende de selve wynne dair bij/ schade lede die scade soude tselve goidshuys hem/ desgelijcx verghelden It(em) sal de selve wynne binne(n)/ der maent van m(er)te naestcomen(de) zijn handen lichten/ vanden hove geheten cleyn cappendale ende dat laten/ varen ten zij bij consente vande(n) voirs(creven) abt It(em) wa(n)t/ de voirs(creven) wynne de(n) voirs(creven) goidshuyse van outs sculd(ich)/ bleven is ii[c] xlv(½) mudde tarwen xii mudde ii halster/ erweten ende sesse rijd(er)s soe heeft hij gelooft alle jae(re)/ d(air) af te betalen vijftich mudde tot dat al betaelt sal zijn/ Ende van alle(n) (et)c(etera) Sijn borghe(n) des voirs(creven) wynnen/ indi(vi)sim joes mennekens vader des voirs(creven) wynne(n) gheert/ ende joes mennekens zijn kijndere gheert boesman/ stas van haller wynne tsgoidshuys van lyntre te haller/ ende wouter vanden hove wynne int hof te boydens alle/ geswaghe(re)n d(er) voirs(creven) gebruede(re)n Et p(ri)mus En(de) borge(n)/ hebben malcande(er)n gelooft oft e(n)nich van hen geprae(m)t/ worde van des voirs(creven) steet dat zij die laste te gelike/ selen hulpen draghe(n) langrode heykens oct(obris) xix