Item gerart van baussele secretar(is) der stat van loeven(en) in p(rese)ncia/ heeft verhuert en(de) bekind verhuert te hebben voer hem ende/ zijn acomelingen jouffr(ouwe) katlijnen horekens weduwe jans/ wijlen vand(en) hove sone wijlen jans die alsoe hue(re)nde en(de)/ bekinnen(de) gehuert te hebben sijn huys metten hove alsoet/ nu gelegen es achter de herberghe geheeten den weldema(n)/ tegen over de porte en(de) woeninghe he(re)n en(de) meester jans/ spierinx tusscen de selve herberghe geheete(n) den weldeman/ en(de) den doerganc des voirscr(even) gerarts soe meester ruchart/ wijlen tronchillon dat tot noch gehouden heeft Te houden/ te hebben ende te gebruycken soe lange de voirs(creven) jouffr(ouwe)/ katlijne leven sal elx jairs dae(re)nbinne(n) o(m)me ende voe(r)/ thien rinsche guld(en) te twintich stuv(er)s tstuc alle jae(re) deen/ helicht te paesschen ende dander helict te bamisse te/ betalen den voirscr(even) gerarde en(de) zijnen nacomelinghen/ soe langhe de voirs(creven) jouffr(ouwe) katheline leven sal quolib(et)/ ass(ecutu)[m] dierste betalinghe inne te gane te paesschen naistco/ mende ende nyet eer Met vorweerden dat de voirs(creven) gerart/ tvoirs(creven) huys houden sal van wande en(de) van dake en(de) betale(n)/ jairlix den chijs dair uut gaen(de) soe dat bij gebreke van/ betalinge(n) vanden selve(n) chijse de voirs(creven) jouffr(ouwe) katheline/ gheen schade en lijde Voort es vorweerde dat de selve/ jouffr(ouwe) tselve huys met hue(re)n huysgesinne tot hue(re)n state/ en(de) familien hoe(re)nde selve in p(er)soene besitten gebruycken en(de)/ bewoene(n) sal moete(n) en(de) anders nyet Ende dese vorweerd(en)/ cor(am) roelants heykens no(vem)[br(is)] viii