It(em) ter stont de voirs(creven) submissie gepasseert sijnde hebben de voirs(creven)/ seggers hue(r) eendrechtige uutsprake gedaen ind(er) manie(re)n/ hier nae verclaert te weten(e) dat de voirs(creven) p(ar)tien van/ al des voirs(creven) is vereenicht geslicht en(de) gesleten selen zijn/ sond(er) dat zij deen dande(re) voirtmeer ten ocsuyne van/ des(er) saken yet eysschen sullen moegen oft moleste(re)n in/ e(n)nig(er) wijs Des sal de voirs(creven) willem pierart van wegen/ zijnd(er) voirs(creven) swegher den voirs(creven) matheeuse geven ende betalen/ sessenderdich peters te liiii pl(a)c(ken) tstuc ende oft de/ voirs(creven) p(ar)tien in e(n)niger zijden e(n)nige munimente(n) hadden des(er)/ materien aencleven(de) sullen zij ten versueke vand(en) ande(re) p(ar)tien/ die a(n)nichileren oft overgeven Es voirt der segge(re)n/ uutsprake oft in desen e(n)nige duysternisse oft div(er)se/ verste(n)nisse viele dat de segge(re)n dair af selen moegen
//
doen hue(r) vercle(re)n Welcke uutsprake alsoe gedaen/ zijnde de voirs(creven) p(ar)tien voe(r) de voirs(creven) scepen(en) de voirs(creven) uutsp(ra)ke/ laudeerden ratificeerden ende approbeerden eisd(em)