It(em) heeft gelooft de vors(creven) claes den vors(creven) arnde de vors(ceven) geheel goede/ soe hem die in der vors(creven) deiling(en) zijn gevallen ter stont over te leve(re)n
//
te doen ende late(n) volghen om belast van allen co(m)me(re)n die dair/ af voirmaels sijn gevallen oft die dair af selen moige(n) vallen/ tot sint jansmisse naistcomen(de) excluys behalven ofter mair een/ mudde corens hie(re)nbinne(n) af en viele dat sal arnd ding(en) ende/ oft gebuerde dat bij gebreke van claes d(air) af gebreckelic wa(r)e/ soe dat dair voe(r) opde goede e(n)nige coste(n) oft laste(n) wa(r)en gedaen/ wordde(n) soe heeft gelooft de selve claes die geheelic te cuelen/ en(de) te drag(en) ter ande(r) zijde(n) selen claese volge(n) van nu voirt/ ane de vors(creven) leengoede geheel te libbeke mette(n) p(ro)fite(n) d(er) selver/ opde co(m)me(re)n dair uut gaen(de) noch selen claese volge(n) vand(en) vors(creven)/ goede(n) van outheverle den vors(creven) arnde gevalle(n) vi alboeme/ noch vand(en) meeste(n) noch vand(en) mynste(n) en(de) deen helicht vand(en)/ wijden staen(de) en(de) dit jair gewassen opde(n) wijtham geleg(en) onder/ dbeerscot den vors(creven) arnde gevalle(n) oft deen helicht van dat/ die selen moig(en) gelden ende oft e(n)nich van hen van zijne(n)/ deele vors(creven) voird(er) vestich(eit) behoifde dat dande(re) van hen die/ des versocht altijt sal mote(n) doen ten coste vanden gheenen/ diese versuect cor(am) eisd(em)