It(em) gord ernarts en(de) magriete kymps zijn wijf weduwe gheerts wijlen/ kerremans diemen hiet torfpoel in deen zijde en(de) jan kerreman dieme(n)/heeft heet torfpoel des voirs(creven) wijlen gheerts brud(er) in dande(re) die zeke(re)/ gescille hadden om der goede wille gebleve(n) na de doot symoens wijle(n)
//
kerremans geheete(n) torfpoel beruerlic en(de) omberuerlic hebbe(n)/ hen vand(en) selve(n) gescillen en(de) al des dien aencleeft gesub/ mitteert en(de) verbonde(n) in mynlik yffene(re)n te wete(n) in/ janne vand(en) borch en(de) gerarde van baussele secretar(is) der/ stat van loven(e) in sulk(er) vueg(en) dat de segg(er)s infor(ma)cie va(n)/p(ar)v p(ar)tien gescillen neme(n) sele(n) [t(er)stont] en(de) d(air)entinde(n) doen hue(r) eendrechtige/ uutsprake doen binne(n) xiiii nachte(n) naistcomen(de) p(ro)mitt(entes) rat(um)/ berghe langr(ode) ap(ri)lis iiii[ta]