Acht(er)volgen(de) der submissien gepasseert voe(r) scepen(en) van loe(ve)n/ sexta m(ar)cii lestleden tusschen willem(me) en(de) aug(ustijne) corekens/ gebruede(re)n en(de) bijden selve(n) gebruede(re)n gecontinueert iii ap(ri)l(is)/ d(aer) nae volgen(de) hebben de segge(re)n ind(er) selver submissien/ genoemt en(de) bijden voirs(creven) gebruede(re)n gecoren wa(r)en/ binne(n) den tide vand(en) voirs(creven) verlingen(e) hue(r) eendrechtige/ uutsprake gedaen vand(en) gescillen die tussche(n) den selve(n)/ gebruede(re)n uutstonden ind(er) mate(n) als hier nae verclaert/ wort yerst vand(en) vijf en(de) nege(n)tich gripe(n) die henr(ick)/ wile(n) corekens d(er) voirs(creven) gebruede(re)n vader [den voirs(creven) willem(me)] aen den heylig(en)/ gheest vand(er) kercke(n) van s(in)t jacops opde biest geleent/ soude hebben [d(air)af aug(ustijn) w(illem) den eet deylt] welcke so(m)me met w(illem) haeflike(n) goeden/ als die vercocht wa(r)en betaelt wert [des hij coeme es te sijnder eet] ende hief de/ vader tgelt totter so(m)men va(n) seven g(ri)pen mair willem/ was vand(er) selver so(m)men sculd(ich) reyne(re)n inden vossensteert/ twaelf crone(n) dair uut aug(ustijn) meyndt dat hem/ come(n) soude tgene dat tweelf crone(n) bet(aelt) zijn/ dan seve(n) gripen e(m)mer voe(r) deen helicht ende/ vrancke va(n) dormale is willem(me) eysschende drie/ ryns guld(en) de welcke aug(ustijn) oic sculd(ich) is half/ te betalen(e) want w(illem) als voe(r)ger(uert) staet sijne(n)/ vad(er) de geheele so(m)me bet(aelt) heeft op seve(n) gripe(n)/ nae is der voirs(creven) segge(re)n uutsprake soe verre/ wille(m) den eet doet alsoe hij geboden heeft dat hij/ vand(en) eyssche sal zijn ongehouden ende dat zij/ malcande(re)n dien naevolgen(de) selen voldoen ter goed(er)/ rekeni(n)g(en) It(em) opt point vand(en) tweentwintich / ryns guld(en) die aug(ustijn) henr(icke) sijne(n) vad(er) geleent/ soude hebben is der segge(re)n uutsprake soe/ verre aug(ustijn) den eet doet dat hij zijne(n) vader die/ schout niet quijtgescoude(n) en heeft anders dan dat
//
hij hem sijne leefdage niet eyssche(n) en soude ende/ dat hij va(n) dien in gelde oft goede niet en heeft/ gehave(n) dat wille(m) aug(ustijn) de helicht d(er) selv(er) xxii/ ryns gul(den) betalen sal Item vand(en) drie boender/ lants die henr(ick) willem(me) gaf in huwelike in afslage/ va(n) acht mudd(en) rocx erflijc dair af aug(ustijn) zijne helicht/ eysschen(de) is es der segge(re)n uutsprake dat wille(m)/ aug(ustijn) d(air) voe(r) bewijsen sal een mudde en(de) vijf mol(evate)/ rocx erflijc en(de) die moege(n) lossen elc mudde met/ achtien crone(n) tstuc te lxxii pl(a)c(ken) Item vander/ helicht va(n) drie rijders lijft(ochten) voirtijts tusschen hen/ vercocht d(air) nae drie mudd(en) rocx erflijc af gemaect/ zijn aen henr(icke) van lyntre es der segge(re)n uutsp(ra)ke/ dat wille(m) van desen sal gestaen met te dragen(e)/ den last van eene(n) mudde rocx erflijc der voirs(creven)/ drie mudden van nu voirtaen Item vand(en) leeuw/ die augustijn eyscht voe(r) wilem(me) zijne(n) brueder/ betaelt te hebben(e) van thien ja(r)en als borge/ is der segge(re)n uutsprake dat wille(m) aug(ustijn) h(ier)af/ betalen sal sesse leeuwe(n) te xc pl(a)c(ken) tstuc en(de)/ d(air) mede gestaen It(em) vand(en) eenentwin vijf/ en(de) eene(n) halve(n) pet(er)s die aug(ustijn) willem(me) eyscht va(n)/ lijwate en(de) die [dair] w(illem) seet dat hem de selve aug(ustijn)/ wed(er) bewijst heeft te betalen(e) aen janne juwelier/ sesse ryns guld(en) va(n) desselfs aug(ustijn) wege(n) d(air) uut willem(me) aen aug(ustijn) hier af soude come(n) een en(de)/ twintich stuv(er)s es der segge(re)n uutsprake/ soe verre jan juwelier aug(ustijn) quijtscelt dan sal/ aug(ustijn) willem bet(alen) de voirs(creven) xxi stuv(er)s It(em) opt/ point vand(en) acht ryns guld(en) en(de) twee mudd(en) cor(ens)
//
eens die aug(ustijn) seet dat hij voe(r) zijne(n) brued(er) vervroent/ soude hebben es der segge(re)n uutsprake soe verre/ aug(ustijn) niet en bewijst met br(ieven) apart dat hij vroent/ cost aen sijne(n) brued(er) soude moege(n) verhalen dat wille(m)/ van dien ongehouden sijn sal Item van dat w(illem)/ eyscht zijne goede bij aug(ustijn) gelost te hebben(e) van/ dien leeuwe erfquiting(en) aen woute(r) va(n) berthem/ gefineert is der segge(re)n uutsprake dat/ aug(ustijn) gehouden zijn sal willem(me) en(de) sijne goede/ d(air) af te lossen ende d(er) aug(ustijn) willem(me) eyscht/ ontslage(n) te zijne van eene(n) pet(er) lijftochten/ aen ja(n)ne baers gefineert en(de) gerestitueert/ vand(en) pachte van vijf oft sesse ja(r)en d(air)af verleet/ es der segge(re)n uutsprake dat willem dien/ pet(er) voirtaen sonder aug(ustijns) last dragen sal / mair w(illem) sal ongehouden zijn hem restitutie/ va(n) e(n)nigen verleechden pachten te doen(e) Item/ d(er) aug(ustijn) eyscht de helicht va(n) eene(n) pet(er) lijftochte(n)/ aen walt(er) brake(n) gefineert d(air)af wille(m) en(de) sijn/ wijf p(rese)nte(re)n den eet dat zij die pe(n)ninge/ dier lijfpen(sien) den vader betaelt hebben es/ der segge(re)n uutsprake soe verre de selve/ w(illem) en(de) zijn wijf den eet doen dat zij/ d(air)mede gestaen selen Item vand(er) halver/ crone(n) erflijc die vercocht was op seke(re) goede/ gelege(n) bove(n) s(in)t m(ar)gr(ieten) capelle op de ridderstrate/ die gheert gherijs hadde voe(r) borchtocht d(air) af/ aug(ustijn) zijne(n) brued(er) eyscht vie(r) en(de) eene halve crone(n)/ d(air) oic een vroentbeleyden op gegaen is
//
dat res(er)ve(re)n de seggers te henweert om hue(r) eendrechtige/ uutsprake en(de) vercla(r)en te doen(e) in tiden en(de) wilen/ Item vand(en) erfbr(ieve) die aug(ustijn) zijne(n) brued(er) eyscht/ d(air)op w(illem) verantwert dat hij gheene erfbr(iev)e en/ heeft die aug(ustijn) gedeelte alleene aengaen en(de)/ eve(n)verre hij br(ieven) heeft huer(er) beyder erve aengaen(de)/ die is hij bereet te setten(e) ter plaetsen d(air) zij beyde/ mede verwaert zijn En(de) beg(er)de oic dat aug(ustijn)/ van geliken doe vand(en) br(ieven) die hij heeft ende/ eve(n)verre datter e(n)nich haeflijc goet is tussche(n)/ hen ongedeylt wille(m) es te vreden dat men/ dat deyle es der segge(re)n uutsprake dat w(illem)/ met voldoen vand(en) p(rese)ntacien voldoen sal gestaen/ Item vand(en) eyssche die w(illem) den voirs(creven) aug(ustijn) doet van dat de/ selve aug(ustijn) sond(er) w(illem) d(air) toe te roepen(e) vercocht heeft alle/ de haeflike goede gebleve(n) nae de doot huer(er) beid(er) moed(er)/ d(air) op aug(ustijn) sijne(n) eet biedt dat tgelt vand(er) have(n) tsijne(n)/ p(ro)ffite niet come(n) en is is der segge(re)n uutsprake doet/ de selve aug(ustijn) d(air) af den eet dat hij d(air)mede gestae(n) sal/ Item vand(en) rijd(er) erflijc die vercocht was op de huyse/ opde biest d(air) af aug(ustijn) de pe(n)ning(en) toech eysschen(de) de voirs(creven)/ w(illem) richtinge vander helicht vand(en) selve(n) rijd(er) Is der/ segge(re)n uutsprake zoe verre aug(ustijn) den eet doet dat wile(n)/ h(er) jan huer(er) beid(er) brued(er) de pe(n)ning(en) hieff en(de) dat die/ tsijne(n) p(ro)ffite niet comen en sijn dat hij van dien der/ ae(n)ticht ongehouden sijn sal desgelijcx doet aug(ustijn) den eet/ vand(en) coren(en) sijne(n) vad(er) toebehoe(re)nde inden pape(n)gay vercocht/ om xviii pet(er)s dat de pe(n)ning(en) va(n) dien in zijne(n) p(ro)ffite/ niet come(n) en zijn dat hij d(air)mede gestaen sal It(em) vand(en)/ twee rijd(er)s op plissis wijf lijf staen(de) d(er) aug(ustijn) de pe(n)ning(en)/ getoge(n) soude hebbe(n) en(de) w(illem) eyscht voe(r) deen helicht hem/ gerestitueert te hebben(e) is der segge(re)n uutsprake doet/ de voirs(creven) aug(ustijn) sijne(n) eet dat de pe(n)ning(en) va(n)dien oic in sijne(n)
//
proffite niet en zijn gecome(n) dat hij d(air)mede gestaen sal/ van dien ende ten lesten male is der voirs(creven) segge(re)n/ uutsprake dat de voirs(creven) gebruede(re)n desen naevolgende/ deen den ande(re)n sullen voldoen ende wes bevonden/ wert ten ynde vanden beslichte van desen en(de) de/ eede voe(r)geruert en(de) rekeni(n)g(en) gedaen sijn dat w(illem)/ in aug(ustijn) gehouden is in gereeden pe(n)ningen dat sal/ wille(m) aug(ustijn) betalen deen helicht s(in)t denijsmesse/ naestcomen(de) en(de) dande(r) helicht te kersmesse dair/ nae volgen(de) q als verreycte schout cor(am) roelofs/ langr(ode) ap(ri)lis ix