It(em) arnd vand(en) velde sone wijlen jans woenen(de) te libbeke/ aende kercke die op heden dach van rechte hadde met katheline(n)/ zijnder moeder jegen janne baers als geleit onder den anderen/ tot den goeden des vors(creven) wijlen jans voir gebrec van eene(n) peter/ lijftochte(n) heeft gelooft den voirs(creven) janne baers van maendaighe/ naistcomen(de) over acht daigen te mistide te loeven(en) te comen ende/ hem alsulken zeker [te] setten voir de voirs(creven) lijftocht dat hijs te/ vreden zijn moige ende oft des niet en gesciedde soe sal de vors(creven)/ jan baers blive(n) staen(de) op sijn beloep van rechte Voort hebben/ gelooft katheline weduwe des vors(creven) wijlen jans vanden/ velde ende wijnant vanden velde hue(r) sone p(ri)us ema(ncipa)[t(us)] te/ betalen den vors(creven) janne te wete(n) de moeder drie rinsche gul(den)/ te xx st(uvers) tstuc eene(n) pet(er) te xviii st(uvers) d(air) af binne(n) eend(er) maend/ naistcomen(de) eene(n) pet(er) dair af binne(n) eend(er) maend d(air)na volgen(de)/ en(de) tsurplus tussce(n) dit en(de) kersmisse d(air) na ende de vors(creven) wijna(n)t/ thien stuv(er)s tussce(n) dit en(de) sinte denijs misse naistcomen(de) ende/ thien stuvers sinte mertensmisse d(air) na volgen(de) quol(ibet) ass(ecutu)[m]/ Ende voir tsurplus vanden derde(n) paymi(n)te der vors(creven) moeder/ tot xx stuv(er)s toe es borghe der selver moeder arnd voirscr(even)/ ende zij heeft hem gelooft d(air) af schadeloes tontheffen cor(am)/ eisd(em)