It(em) het es tussce(n) de vors(creven) p(ar)tien bevorweert wes/ vruchte(n) e(n)nich van hen gehadt heeft vande(n) voirscr(even)/ goede(n) van bincke(m) gewassen inden somer lestleden/ dat dande(re) p(ar)tie de helicht van dien ter deughdeliker/ esti(m)acien hebben sal afgetogen den last der selver/ vrucht en(de) [de(n)] co(m)mer vand(en) selve(n) jae(re) Beyde de voirscr(even)
//
p(ar)tien selen oic te gelike trecken de bate vanden v(er)huerden huyse/ staende inde parijsstrate boven den last gevallen sint jansmisse/ lestlede(n) ende de voirs(creven) weduwe scevels sal in thuys voirs(creven) dat/ zij bewoent moige(n) blive(n) sitten(de) tot kersmisse naistcomen(de)/ behalven dat de voirs(creven) van muysen(en) dair inne hie(re)nbinne(n)/ selen moige(n) doen wercke(n) dat hen van noode es en(de) behoift/ Wes co(m)mer oft chijs anders dan voirs(creven) es op e(n)nich vand(en)/ voirs(creven) goede(n) gevalle(n) ombetailt uutstaet sal dragen ende/ afdoen die ghene die dbesid der selver goede gehadt heeft/ cor(am) eisd(em)