SAL7368, Act: V°230.2 (498 of 737)
Search Act
previous | next
Act V°230.2  
Act
Date: 1475-03-08

Transcription

2021-05-02 by helga peeters
It(em) h(er) willem vonderman p(ri)este(r) rintmeester de fabrike(n) va(n) sinte/
pet(er)s te loven(e) in p(rese)ncia heeft gekint en(de) gelijdt gehave(n) te hebbe(n)/
en(de) ontfange(n) van lijsbette(n) wed(uwe) cornelijs wile(n) coelne(re) de so(m)me /
va(n) acht pet(er)s te xviii stuv(er)s tstuck alse voir tkerkenrecht/
datme(n) der selver kerken sculdich en(de) tachter bleve(n) es van/
lodewijcke(n) wile(n) willemair en(de) wile(n) zijne(n) wive die beyde/
inder p(ro)chien va(n) sinte pet(er)s aflivich worde(n) zijn en(de) dat/
vanden pe(n)ni(n)gen die de selve lijsbeth sculdich was vande(n) /
coope va(n) eene(n) wijng(ar)de gelege(n) op scuyp(er)s wile(n) toebehoiren(de)/
de(n) selve(n) gehuyssche(n) dwelc zij onlanx lede(n) gecocht heeft/
tege(n) he(re)n lod(ewijcke) willem(air) p(ri)este(r) sone der voirs(creven) gehuyssche(n) en(de)/
vrancke(n) zijne(n) oem als curateurs vand(en) officiael gestelt vande(n)/
na(tur)like(n) kinde(re)n desselfs he(re)n lod(ewijcx) en(de) om de goede d(er) voirscr(even)/
gehuyssche(n) te v(er)copen(e) en(de) hue(r) wettige sculde(n) d(air)mede te betale(n)/
en(de) d(air) de selve wed(uwe) inne gegoet was m(ar)cii p(ri)ma lestlede(n)/
recog(novit) sat(is)f(actum) promitt(ens) null(atenus) renu(n)c(ians) cor(am) vos heyk(ens) m(ar)ci viii
ContributorsJos Jonckheer
Moderated byJos Jonckheer
Last update: 2016-10-18 by Jos Jonckheer