It(em) uuyt dien dat gerardus va(n) baussele secretar(is) d(er) stat/ va(n) loven(e) als p(ro)cur(eur) des godshuys va(n) westroyen bij tyel inde(n)/ lande va(n) ghelre die naden rechte der stat va(n) loven(e) ge/ come(n) en(de) beleyt es tot alle(n) de(n) goede(n) have en(de) erve amelr(ijx)/ vande(n) ynde mathijs vande(n) ynde zijns brued(er)s stas wijlen/ goerlakens arnts vander hulst en(de) jans wile(n) waelputte voir/ tgebreck va(n) iii r(ins) g(ulden) lijfpen(sien) mette(n) pachte en(de) costen/ va(n) rechte opde(n) dach va(n) hede(n) hadde doe(n) dach doen den/ selve(n) amelr(ijcke) pete(re)n heyme en(de) zijne(n) wive wed(uwe) des voirs(creven)/ wile(n) stas goerlakens arnde vand(er) hulst en(de) katlijne(n) clincke/ wed(uwe) des voirs(creven) wile(n) jans waelputs om dat zij huer ha(n)de/ vand(en) selve(n) goede(n) soude(n) doe(n) oft de voirs(creven) scep(enen) br(ieven) voldoen/ gelijck jasp(er) claus vorste(r) bij zijne(n) eede dat cleerde en(de) egheen/ van hen voir oghe(n) en qua(m) Soe wijsden de vo(n)nisse(n) der/ scepen(en) va(n) loven(e) t(er) manissen smeyers datme(n) den voirs(creven) geleyde(n)/ vande(n) voirs(creven) goede(n) houde(n) soude inde macht va(n) zijnen/ beleyde alsoe v(er)re alst noch voir scepen(en) comen es cor(am)/ scabinis in scampno m(ar)cii xvi