It(em) henricus vasont secretar(is) in p(rese)ncia heeft gekint en(de) gelijdt/ dat her jan va(n) ranshem ridde(r) en(de) arnt van pede wettich sone/ he(re)n arnts wile(n) va(n) pede ridders te weten(e) de voirs(creven) h(er) jan/ als man en(de) mo(m)boir v(rou)we ka(tli)[ne(n)] abs(oloens) wettige docht(er) jasp(ars) wile(n)/ abs(oloens) en(de) de voirscr(even) art als man en(de) mo(m)boir jouffr(ouwe) m(ar)griete(n)/ va(n) wijtvliet wettige docht(er) jans wile(n) va(n) wijtvliet gehacht/ en(de) gepraemt zijnde met rechte hem afgeleecht hebbe(n) met/ ghe(re)den pe(n)ni(n)gen thien guld(en) rijd(er)s jairlijcker lijftochte(n) te(n) live/ he(re)n jans va(n) s(in)[te] goerix ridd(er)s en(de) jouffr(ouwe) lijsbette(n) vand(en) wij(n)g(ar)de/ aut En(de) dat bij consente des voirs(creven) he(re)n jans gelijck dat blijct/ bij eend(er) c(er)tificacie(n) gescr(even) a(nn)[o] xiiii[c] lxxiiii den xviii[te(n)] dach/ va(n) julio ond(er) segel d(er) stat va(n) mechele(n) d(air) inne h(er) frederic/ hee(re) van witham ridder de voirs(creven) wile(n) jasp(ar) abs(oloens) en(de) de/ vors(creven) jan va(n) wijtvliet met ja(n)ne gheerma(n)s ten voirs(creven) he(re)n/ ja(n)ne en(de) jouffr(ouwe) lijsbette(n) [weert] gehoude(n) ware(n) met scep(enen) br(ieven) va(n)/ loven(en) d(air)op gemaect den leste(n) dach va(n) junio a(nn)[o] xiiii[c] li/ Bekynnen(de) hem de voirs(creven) he(n)r(icus) d(air)af wel v(er)nuecht en(de) betaelt/ als p(ro)cur(eur) d(er) voirs(creven) jouffr(ouwe) lijsbette(n) met br(ieven) d(air)af gepass(eer)t voe(r)/ burg(er)meest(ere)n scepen(en) en(de) raet d(er) stat van loven(en) opden derden/ dach septembr(is) a(n)no xiiii[c] lxv vande(n) p(ri)ncipale(n) pe(n)ni(n)g(en)/ d(er) selver thien rijd(er)s belopen(de) hond(er)t rijd(er)s en(de) vand(en) rinte(n)
//
van negen jae(re)n belopen(de) neghentich rijd(er)s Ende sceldt/ d(air)af quite den vors(creven) he(re)n janne en(de) arnde en(de) hue(re)n erve(n)/ en(de) nacomelinge(n) en(de) goeden geloven(de) d(air)af ne(m)me(r)meer ae(n)/ te spreke(n) de(n) selve(n) noch hue(r) goede in gheene(n) rechte/ gheestelijc noch weerlijc mair [va(n)] des(er) quita(n)cien goet recht/ warant te zijne en(de) te blive(n) tot eeuwige(n) dage(n) cor(am) roelants/ vos julii xx