Op heden zijn in rechte come(n) voer meye(r) en(de) scepen(en) va(n) loven(e)/ ghevaert van deurne sone wile(n) henr(ix) va(n) deurne als tuteur en(de)/ curateur vande(n) wettige(n) kinde(re)n en(de) erfgename(n) ghijsbrecht wile(n) va(n)/ helmont bij oepen(en) brieve va(n) co(m)missien ons gened(ichs) he(re)n d(air)op v(er)leent/ welke ghevaert he(m) onlanx mett(er) stad brieve(n) inden name alsoe/ hij hier ageert gescreve(n) aende(n) schouth(eit) va(n) he(re)ntals oft zijnen/ stedehoude(r) te he(re)nthout hadde doe(n) leve(re)n de goede geheete(n) te/ kerchove gelege(n) te he(re)nthout voirs(creven) en(de) wile(n) toetebehoire(n) plagen/ woute(re)n va(n) quaderebbe en(de) zijnder huysvrouwe(n) en(de) nu toebehoe(re)n/ ja(n)ne va(n) quaderebbe huer(er) beyder sone oft zijne(n) sone voir tgebreck/ va(n) xiiii gulde(n) pet(er)s d(er) mu(n)ten va(n) loeven(e) vande(n) slage h(er)toge ph(ilip)s/ saliger gedachten h(er)toge va(n) bourg(oign)[en] va(n) brab(ant) (et)c(etera) jaerlijcker ende/ erfrinte(n) tons(er) liever vrouwe(n) liechtdage naestcomen(de) te betalen(e)/ die de voirs(creven) wile(n) ghijsbrecht van helmont met scepen(en) brieve(n)/ va(n) loven(e) vander daet xiiii[c] xxxi opde voirscr(even) goede van/ kerchove houden(de) es en(de) in saken van opposicie(n) p(ar)tien op hede(n)/ dachv(er)den voe(r) de(n) voirs(creven) meye(r) en(de) scepen(en) als aenlegghe(r) ter/ eender zijde(n) en(de) willem va(n) leefdale als p(ro)cur(eur) des voirs(ceven) jans
//
van quaderebbe v(er)weerde(r) ter ande(re) daer de voirs(creven) ghevart/ yesch betalinghe der voirs(creven) rinte(n) met coste en(de) co(m)me(r) oft/ inde voirs(creven) onderpande gewijst te worde(n) Dair yegen/ de voirscr(even) wille(m) alligeerde dat schaden opde voirs(creven) goede/ en(de) de vruchte(n) van dien inde(n) somer lestleden wa(r)en gebuirt/ dairaf de nagebue(re)n cortsel dede(n) en(de) zoe v(er)re de voirs(creven)/ ghevart vander voirs(creven) rinte(n) nae avena(n)t tgelike doe(n) woude/ de voirs(creven) jan soude gheerne d(air)op de voirs(creven) rinte betalen/ des de voirscr(even) ghevaert meynde alsoe niet te doene/ maer yesch te doene hebben(e) betalinghe ende oftmen/ hem d(air)enteynden aenspreken woude hij p(rese)nteerdet recht/ op dat hij ongepant te hove quame soe was/ gewijst ten uuyt(er)sten bijde(n) he(re)n scepen(en) va(n) loven(e) t(er) manissen/ smeyers nae aensprake en(de) v(er)antweerde(n) va(n) beyde den/ p(ar)tien datme(n) den voirs(creven) ghevaerde inde(n) name soe hij/ p(ro)cedeerde houde(n) soude in zijnder leveringe(n) zijnd(er) ond(er)pande/ om d(air)aen de voirscr(even) rinte met coste en(de) co(m)me(r) te volge(n)/ ende hadde d(air)enteynden de wed(er)p(ar)tie yet te volge(n) dat hij/ dat dade met rechte cor(am) eisdem