Item jan van maelcote sone wile(n) lodewijx heeft geco(n)sent(eer)t/ voir hem zijnen erven ende nacomelinge(n) in orbe(re) ende prouffite/ va(n) g(er)truden wed(uwe) jans wile(n) van maelcote dat aennemen(de) en(de)/ accepteren(de) dat de selve g(er)truyt vredelijck hebbe(n) en(de) gebruycken/ sal alle alsulke(n) leengoede als meester laur(eys) wile(n) va(n) maelcote/ p(rie)ste(r) der voirg(eruerde) g(er)truden sone hadde te kessele ende d(aer)omtrint/ metten bedrive daer toe hoiren(de) gehouden van onse(n) gened(igen) hee(re)/ den hertoghe desgelijck de leene gelege(n) te cortbeke/ overloe geheete(n) van buloe dieme(n) te leene houdt va(n) gor(ijs)/ vranx ende geldolf vander lynde(n) alsoe langhe de voirs(creven)/ g(er)truyt leve(n) sal de vruchte(n) ende prouffiten d(aer)af comen(de)/ geheel heffen ende trecken sonder dat de voirs(creven) jan zij(n)/ erve(n) oft nacomelinge(n) al wairt dat zijns gebrake hue(r)/ e(n)nich belet d(aer)aen sele(n) moege(n) doen behoudelijck dat/ de voirscr(even) g(er)truyt dragen sal allen last van dienste/ die bynne(n) hue(re)n leven(e) gebuere(n) sele(n) moege(n) vand(en) selven/ leene Geloven(de) de voirs(creven) jan der voirs(creven) g(er)truden van/ desen zijne(n) consente recht warant te zijne ende inne/ te stane yeghen eene(n)yegelijcken hier in ondersproken
//
dat de voirscr(even) jan hebben sal dbedrijf vand(er) h(er)licheyt/ vanden leene van kessele als vande(n) manscape(n) ende/ hofrechte h(er)gewede en(de) pontpe(n)ni(n)ge ald(aer) vallen(de) bij also/ dat hij alle dienste dieme(n) uuyt ocsuyne van die(n)/ sculdich soude moege(n) zij(n) drage(n) sal sonder last vand(er)/ voirscr(even) g(er)truden cor(am) vos heykens augusti s(e)c(un)da