SAL7368, Akte: V°47.2 (77 van 732)
Zoek akte
Vorige | Volgende
Akte V°47.2  
Act
Datum: 1474-08-09

Transcriptie

2018-12-14 door Mi-Je Van Gils
It(em) h(er) jan van arkenteele ridde(r) sone jonck(er) willems wijle(n) van arken/
teele heeft gelooft he(re)n henricke duveland p(ro)cur(eur) des goidshuys vand(en)/
sartrois(en) buyte(n) antwerpen inden name des opp(er)sten goidshuys inde(n) lande/
van savoyen als vanden rinten van hondert crone(n) tsjaers die tselve/
goidshuys vanden sartroisen jairlix en(de) erflic hebben opde goede/
he(re)n henrix wijlen van oeyenbrugghe geheeten van coelhem/
nae begrijp van scepen(en) brieve(n) van loven(en) dair af zijnde die/
insdeels gevallen zijn en(de) insdeels vallen selen tons(er) vrouwen/
daige assumptionis naistcomen(de) hondert en(de) vier rinsche guld(en)/
te xx st(uvers) tstuc te betalen te wete(n) xxiiii gul(den) d(air)af in exaltacionis/
s(an)c(t)e crucis naistcomen(de) de xl rinsche guld(en) ten prise als voe(r) te/
kersmisse d(air) na volgen(de) en(de) de leste xl rinsche gul(den) te beloeken(en) paesscen/
d(air) nae v(er)volgen(de) quol(ibet) ass(ecutu)[m] Met (con)dicie(n) oft de vors(creven) h(er) jan dierste/
paym(en)t ten daige niet en betailde soe heeft hij gelooft wettelic ende/
toe geseecht als goet ridder ter stont sijn hande alsdan te lichte(n) ende/
aftedoene va(n) alle(n) de(n) ond(er)pande(n) der vors(creven) rinte(n) soe v(er)re hij die tot desen/
daige toe beseten heeft en(de) den voirs(creven) p(ro)cur(eur) tot behoif als voe(r) die laten/
volghen na beg(rij)p van hue(re)r leve(ri)ng(en) die zij hebben na des(er) stat recht/
nochtan soude de vors(creven) h(er) jan gehoude(n) sijn en(de) blive(n) int voldoen va(n) allen/
en(de) yegewelken geloften voirscr(even) met coste en(de) co(m)me(r) d(air) op geloepen cor(am)/
roelofs heykens augusti ix
Nagekeken doorJos Jonckheer
ModeratorJos Jonckheer
Laatste update:: 2016-09-06 door Jos Jonckheer