SAL7368, Akte: V°90.3-R°91.1 (180 van 732)
Zoek akte
Vorige | Volgende
Akte V°90.3-R°91.1  
Act
Datum: 1474-10-21

Transcriptie

2019-02-24 door Mi-Je Van Gils
Vander questien ende gescille(n) opv(er)staen tussche(n) pete(re)n ballinck/
briede(r) inden beer in deen zijde ende barth(elmeeus) va(n) maelcote/
zeeldraye(r) in dande(re) van hue(re)r beyder huyse(n) neve(n) een gelege(n)/
inde borchstrate [jege(n) den voirs(creven) beer over] hebben hen de selve p(ar)tien gesubmitteert en(de)/
verbonde(n) inden gesworen(en) stadmeeste(re)n te weten(e) in meeste(re)n/
willem(me) de beer meest(eren) matheeuse de layens en(de) meeste(re)n jacope(n)/
vander vesten Ende hebbe(n) geloeft voir hen hue(re)n erve(n) ende/
nacomelinge(n) vast gestentich en(de) van weerde(n) tond(er)houde(n) en(de)/
te voldoene allet ghene des de selve meeste(re)n samentlijck/
d(air)af segge(n) ende uuytspreke(n) sele(n) [en(de) hebbe(n) alsoe de voirs(creven) meesters hue(r) eendrachtige uutsprake gedaen inder manie(re)n hier nae volgen(de)] Inden yerste(n) dat de voirs(creven)/
barth(elmeeus) int nuwe huys dat de voirs(creven) peter ald(air) ghesedt/
en(de) gemaect heeft sal moege(n) van voe(r) ter strate(n) tot acht(er) soe/
v(er)re tselve nuwe huys gheet en(de) niet voirde(r) met balke(n)/
en(de) strijchoute(n) vare(n) ende met platte(n) stijle(n) voir de(n) muer en(de)/
met zijne(n) carbeele(n) ende de selve balke(n) en(de) strijchoute doer/
ancke(re)n soe dat behoirt It(em) sal barth(elmeeus) voirs(creven) zijn huys alsoe/
hoeghe moege(n) maken alst hem gelieft ende oft hij
//
metten selve(n) zijne(n) huyse hoeghe(r) opvare(n) woude dan/
de voirs(creven) peter gedae(n) heeft soe sal de voirs(creven) barth(elmeeus) de/
ghote alsnu liggen(de) op barth(elmeeus) huys legge(n) wel en(de) w(er)kelijc/
alsoe zij nu leechgt op peters huys ende dat zonder cost/
oft last desselfs pet(er)s Ende de selve ghote alsoe die nu/
leeght selen p(ar)tie(n) van nu en(de) alse zij gelijck voirs(creven) steet/
v(er)leecht sal moege(n) werde(n) voirtane te hue(re)n gelijcke(n) costen/
houde(n) in goede(n) state It(em) dat de voirs(creven) peter niet voirde(r)/
acht(er)w(eer)t en sal moeghe(n) ty(m)me(re)n noch and(er)s doe(n) wercke(n) in/
gheenre manie(re)n dair mede dlicht des voirs(creven) barth(elmeeus) v(er)donck(er)t/
soude moege(n) werde(n) It(em) sal de voirs(creven) barth(elmeeus) ten erve weert/
des voirs(creven) pet(er)s zijn vynste(re)n doe(n) v(er)calu(m)pnen behoirlijck ende/
datme(n) daer dore niet ghiete(n) en sal ende oft de (contra)rie/
gebuerde soe sal hij die moete(n) v(er)gelase(n) It(em) sal de voirs(creven)/
barth(elmeeus) zijne(n) wat(er)steen moege(n) legge(n) ten erve w(eer)t des voirs(creven)/
pet(er)s want voirtijts yege(n) thuys desselfs pet(er)s eene(n) gelege(n)/
heeft ald(air) maer den tote vanden selve(n) wat(er)steene sal/
moete(n) ligghe(n) vi voete vander acht(er)ster dore(n) des voirs(creven) pet(er)s/
tsinte g(er)trude(n) w(eer)t en(de) d(air) en salmen weycsel vischsop/
w(ar)moessop noch orijne doir moege(n) ghiete(n) in e(n)niger manie(re)n/
berghe heykens octobr(is) xxi
Nagekeken doorJos Jonckheer
ModeratorJos Jonckheer
Laatste update:: 2016-09-13 door Jos Jonckheer