It(em) heeft de voirs(creven) henric ter meerder sekerheyt der voirs(creven)/ jouffr(ouwe) adden met janne de briede(re) vorste(r) in handen gesedt/ de juweelen hier nae volgen(de) die die alsoe ende alsulcke/ bekinde ontfanghen te hebben(e) Inden yersten twee/ silve(re)n quaertpotten de suwagien vergult metter wapen(en)/ hee(re)n philips van scoenhoven wegende seven merck min/ vie(r) yngelschen It(em) eenen overdecten vergulden(en) croes/ boven met eenen kindeken(e) staende op drie leeukens/ wegen(de) negen oncen vijf yngelschen It(em) noch eenen/ overdecten gulden(en) gedraydden croes boven met eene(n) selve(re)n/ kindeken(e) staende op drie mannekens te peerde wegen(de)/ achtien oncen It(em) eenen selve(re)n waterpot met ene(n)/ totele de suwagien vergult verwapent metter wapen(en)/ meester jans pot boven met eene(n) torreken(e) staen(de) op drie/ torrekens wegen(de) twee merck sesse en(de) eene(n) halven/ yngelschen Item eene(n) overdecten silve(re)n croes de/ suwagien vergult met vla(m)men boven met eend(er)/ selve(re)n bloemen staen(de) op drie guld(en) leeukens wegen(de)/ negen oncen derthien ende eene(n) halven yng(elschen) So(mm)[a]/ derthien merc vijf oncen eene(n) yng(elschen) Ende de/ voirs(creven) lijfpen(sien) afgequeten oft verstorven sijnde heeft/ gelooft de voirs(creven) jouffr(ouwe) adde de voirs(creven) juweelen den/ voirs(creven) henr(icke) weder o(m)me te restitue(re)n cor(am) eisd(em)