Want henri de clabeche als p(ro)cu(r)e(ur) he(re)n yngelbeerts dorley mans ende/ mo(m)boirs vrouwe marien van couwerem weduwe wijlen he(re)n arnts van pede/ hem metter stat brieven gescr(ev)en aenden bailiu va(n) ha(n)nut oft der stat bode/ in sijne(n) name hadde doen leve(re)n de woeni(n)ge mette(n) geleghe wynnen(de)/ lande(n) beemde(n) eeusselen en(de) allen and(ere)n toebehorte(n) die collart wijlen le polits/ te houde(n) plach te ha(n)nut oft dair omtri(n)t onder de(n) selve(n) bailiu voir gebrec/ van betaling(en) van vi mudde(n) cor(ens) mate(n) en(de) pacht va(n) ha(n)nut erffpachts/ die de selve vrouwe marie uut crachte van wettig(en) (con)tracte(n) ende/ scepen(en) brieve(n) van loven(e) overlanghe gepasseert opde selve goede houden(de)/ en(de) besitten(de) es Ende dach van rechte op heden doen bescheiden ernoule/ le polits oft zijne(n) wynne vand(en) voirscr(even) goeden oft zij teg(en) deselve/ leve(ri)nge en(de) executie yet hadde(n) wille(n) segg(en) tot welken dage deselve/ernel ernoul en(de) wynne noch gheen van hen come(n) en zijn den vors(creven)/ henr(ick) als p(ro)cu(r)e(ur) trecht v(er)sueken(de) Soe hebben de scepen(en) van loeven(e)/ t(er) maniss(en) smeyers gewijst voer een vo(n)nisse na dat hen bij resc(ri)pte wery/ daneal vorst(er)s van ha(n)nut gebleken heeft dexploit en(de) de conde gedaen/ te sijne datmen den vors(creven) p(ro)cu(r)e(ur) inde(n) name als bove(n) vand(en) vors(creven) goede(n)/ houde(n) sal inde macht van sijnd(er) leve(ri)ng(en) en(de) scep(enen) br(ieven) zoe v(er)re het noch/ voir scepen(en) come(n) es p(rese)ntib(us) scabinis in scampno m(ar)cii s(e)c(un)da