Item wantmen bevonden heeft dat tvoirs(creven) huys en(de) hof opde/ biest geleg(en) den voirs(creven) kinde(re)n sgreven in deyling(en) gevallen/ en(de) wout(er)s pant wesen(de) vand(en) voirscr(even) rijder erflic voirmaels/ bijder weduwen des vors(creven) wijlen pet(er)s sgreve(n) en(de) hue(re)n kinde(re)n/ belast es met den voirs(creven) xliiii st(uvers) erflic aen claese de bart/ make(re) Soe heeft gelooft de vors(creven) claes spynnoer dat hij den/ voirs(creven) claese de bartmake(re) binne(n) twee maende(n) naistcomen(de)/ die rinte afquite(n) oft elde(r) besetten sal soe dat den voirscr(even)/ pant [d(air) af] geheelic los zij oft te(n) mynsten soe vele doen dat de/ voirscr(even) bartmake(re) bekinne(n) sal dat des vors(creven) wout(er)s rijder/ voirgaen sal in ouderdo(m)me date en(de) betaling(en) des selfs/ claes bartmak(ere) rinte van xliiii st(uvers) erflic cor(am) eisd(em)