It(em) hee(re)n everart ts(er)claes ridde(r) vrouwe m(ar)griete vand(er) borch/ zijne medegesellinne jan hinckaert ridde(r) vrouwe katlijne/ vand(er) borch zijne medegesellinne suster der voirs(creven) vrouwe/ m(ar)grieten augustijn vanden borchoven ridde(r) vrouwe (christ)ine/ vand(er) borch zijne medegesellinne suster [der] voirs(creven) gesuste(re)n/ jouffr(ouwe) johanne vander borch weduwe jans wilen vand(en)/ heetvelde oic suster der voirs(creven) gesuste(re)n ende jouffr(ouwe) marie/ vand(er) borch insgelijcx suste(r) der voirs(creven) gesuste(re)n dochte(re)n gheerts/ wilen vander borch die hij hadde van jouffr(ouwe) marien wilen/ van quaderebbe wettige erfgenamen ende naeste leven(de)/ vrouwe katlijne(n) wilen van quaderebbe weduwe hee(re)n/ symoens wilen pynnoc ridders suster der voirs(creven) jouffrouwe/ marien in p(rese)ncia hebben gelooft ind(ivisim) hee(re)n peteren de/ cortiz deken der kercken van sint jacops op de biest reyne(re)n/ vander elst prochiaen der selver kercken jacoppe vand(en) breyne/ prieste(re)n ende gerarde van baussele secretar(is) der stad van/ loeven(e) als executeurs vand(en) testamente en(de) uutersten wlle/ der voirs(creven) wilen vrouwe katlijne(n) ende oic den heyligheest/ meeste(re)n der tafelen vanden armen inder [voirs(creven)] kercken van s(in)[t] jacops/ dat zij binnen drie ja(r)en naestcomen(de) den voirs(creven) executeurs/ op goede loflike erfpande dair voe(r) goet genoech zijnde bute(n)/ der stad van loeven(e) ende huer(er) vryheit op eene mile omgaens/ nae der selver stad gelegen coopen besetten oft bewijsen/ selen sesse mudd(en) corens der maten van loeven(e) goets payabels/ pachts ende twee ryns guld(en) te twintich stuv(er)s tstuc elcken/ stuv(er) te drie pl(a)c(ken) gerekent erfs chijs ende rinten vallende/ alle ja(r)e twintich dage in julio als djaergetide houdt/ dat de voirs(creven) wilen vrouwe katlijne aflivich wert gedistribueert/ te werden ende jaerlijcx bekeert nae uutwijsen vanden/ testame(n)te ende uutersten wille der voirs(creven) wilen vrouwe/ katlijne(n) dair notar(is) af was meester jan colen van/ ghestele de voirs(creven) sesse mudd(en) corens tot nutscap en(de)/ gebruyke vanden drie armen lieden die woone(n) ende
//
woenen selen voe(r) den toecomen(de) tijt inde drie woeni(n)gen die de/ selve wilen vrouwe katlijne inden selven hue(re)n testamente/ tot behoef van drie armen menschen ewelijc gheerigeert heeft/ inde heyligegheeststrate gelegen sonder e(n)nigen last oft cost/ der voirs(creven) executeurs oft der armer voirscr(even) ende betalen oic/ jaerlijcx tot de voirs(creven) bewijssenisse inder manie(re)n voirs(creven) geschiet/ is den voirs(creven) armen de pachten die vand(en) selven sesse mudd(en)/ cor(ens) voe(r) der selver bewijssenissen vallen selen desgelijcx/ selen zij oic de voirs(creven) gelovers indivisim den voirs(creven) executue(re)n/ binne(n) den selven tide bewijsen coopen oft besetten wel ende/ loflijc oic buyten der [voirs(creven)] stad ende [huer] vryheit op eene mile nae/ omgaens der selver stad ende op hue(re)n cost twee ryns guld(en)/ erflijc te twintich stuv(er)s als voe(r) tstuc den eenen jaerlijcx/ tot behoef der clusenerssen ten tide inde kercke van s(in)[t] jacops/ contemple(re)nde ende den ande(re)n tot behoef vanden armen/ suste(re)n vand(en) heyligen cruce op de voere al nae begrijp en(de)/ uutwijsen vanden voirs(creven) testame(n)te der voirs(creven) vrouwe/ katlijne(n) ende betalen oic totter selver tijt alle jare/ opden dach voirs(creven) vanden jaergetide der selver vrouwe/ katlijne(n) de selve twee gulden(en) tot behoef alsoe voirs(creven) is/ totter tijt zij die wel ende loflijc gecocht ende bewesen/ sele(n) hebben Ende om meerder sekerheyt ende vestich(eit)/ alle der dingen ende geloften voirs(creven) hebben alle de/ voirs(creven) gelovers tsame(n) de wed(uw)[e] en(de) jouffr(ouwe) marie [elc] met hueren [eene(n)]/ mo(m)boe(re)n in tytule van wettige(n) onderpande den voirs(creven) executeurs/ tot behoef als voe(r) bij orlove shee(re)n vand(en) gronde verobligeert/ en(de) te pande gesedt de woeni(n)ge geheel met huysen hove(n)/ stallen ende allen ande(re)n toebehoirten dair de voirs(creven) wilen/ vrouwe katlijne inne te woenen plach achter en(de) voe(r)/ gelegen op de voere dair af de voirs(creven) gelovers gelooft hebben/ den voirs(creven) executue(re)n [tot behoef als voe(r)] genoech te doen(e) en(de) te warande(re)n op/ drie ryns guld(en) erflijc als voe(r) allet recht ende co(m)mer dair/ voe(r) uutgaen(de) p(ro)ut cor(am) vos heykens m(ar)cii xvi v(er)te