Allen den ghenen (et)c(etera) doen cond ende te weten dat anne van norlingen/ wettige huysvrouwe anthonijs janssone van leyden in hollant ende/ heeft volcomelic gemechticht p(ro)curacie en(de) auctoriteit gegev(en) den selven
//
anthonise hue(re)n wettigen man ende momboir alle alsulken lijftocht/ renten alse de vors(creven) wijlen jan van leyden vader des voirs(creven)/ anthonijs den selven anthonise sijne(n) sone met eene(n) scepen(en)/ brieve besegelt met twee scepen(en) segelen en(de) metter stat/ zegel van leyden voirs(creven) gemaict en(de) gelaten heeft Te/ vercoepen te versetten te verande(re)n te mynde(re)n te meerde(re)n/ ende sijne(n) vryen eygen(en) wille dair mede en(de) mette(n) pe(n)ninge(n)/ d(aer) af comen(de) dair af te doene den coep(er)e dair af volcomen ende/ wettige guedinge ende vestich(eit) te doene ende generalic ende/ specialic dair inne te doene ende te vorde(re)n allet des de vors(creven)/ gehuysscen samentlic oft zij beide jegewoirdich en(de) voer/ ooge(n) wae(re)n dair inne doen ende vorde(re)n soude(n) moghen/ Gelovende de vors(creven) anne vast gestentich en(de) van weerden te/ houde(n) tot eeuwige(n) daige(n) voer hue(r) hue(re)n erve(n) en(de) nacomeling(en)/ allet ghene des bide(n) vors(creven) anthonise dair inne gedaen en(de)/ gevordert sal wordde(n) alsoe dat den selve(n) coep(er)e vast en(de) zeker/ sal moig(en) sijn tot eeuwig(en) daige(n) nove(m)br(is) s(e)c(un)da