It(em) uuyt dien dat ghijsbrecht de bartmake(re) als man en(de) mo(m)boir/ margriete(n) van leefdale zijns wijfs ov(er)lang geleyt zijnde/ tot allen den goede(n) have en(de) erve h(er) jans wile(n) vand(er) hoeve(n)/ priest(er)s opden dach va(n) hede(n) voir meye(r) en(de) scepen(en) va(n)/ loven(en) inde banck hadde doe(n) dach doen he(re)n henr(icke) vander/ tale(n) p(ri)este(r) prochiaen va(n) ossele gielise doem mathise den/ borsere d(er) weduwen va(n) rogbroeck jonch(e)r scelling te/ moseghem daneele rave(n)s en(de) anth(onise) rave(n)s om dat zij he(m)/ onghebruyck deden aende selve goede soe v(er)re die onder/ merchten(en) ende bruysseghem gelege(n) ware(n) gelijck de offici(er)s/ va(n) merchten(en) en(de) bruysseghem voirs(creven) onder hue(r) seghele hadde(n)/ ghecertificeert d(air) gheen vande(n) voirscr(even) p(er)sone(n) gecome(n) en zijn/ Soe wese(n) de he(re)n scepen(en) van loeven(en) ter manisse(n) smeyers/ datme(n) den voirscr(even) ghijsbrechte houde(n) soude inde macht va(n)/ zijne(n) beleyde zoe v(er)re het noch voir scepen(en) come(n) es cor(am)/ om(n)ibus scabinis in scampno nove(m)br(is) ix