Cont zij alle(n) lieden dat jan veraliten en(de) mag(ri)ete sijn wijf docht(er) reyneers/ wilen boschma(n) hebben gehuert tegen lodewijke baets twee huysen neve(n) een/ gelege(n) opde raym(er)ct tusschen den hoeck vand(er) dorpstrate(n) in deen zijde en(de) de/ goede ja(n)nis vand(er) eyken aen dand(er) zijde Te houden en(de) in hueri(n)gen te besitte(n)/ van paesschen lest leden eene(n) t(er)mijn va(n) vi jare(n) lanc due(re)nde elx jaers dae(re)n/ bynne(n) o(m)me en(de) vore elff saluyte(n) voir elke(n) saluyt xxv stuv(er)s gerekent elk(en) st(uver) te iii p[l(acken)]/ en(de) een half croene d(air) vore xii [gelike] stuv(er)s gerek(ent) deen helicht altoes sinte/ remeismisse en(de) dand(er) helicht altoes te paesschen d(aer)nae volgen(de) te betale(n)/ den vors(creven) lodewijke alle jae(re) den vors(creven) t(er)mijn due(re)nde en(de) telke(n) t(er)mijne als/ v(er)volghde schout opde vurwerden en(de) (con)dicien h(ier) nae bescr(even) Inde(n) ierste(n)/ soe wes de vors(creven) gehuyssche(n) oft de hue(r) bi(n)ne(n) den vors(creven) t(er)mijne inde vors(creven)/ huyse oft d(aer) aen breken dat sij dat tot hue(re)n coste wed(er)o(m)me sullen/ doen make(n) en(de) r(e)pare(re)n It(em) dat de vors(creven) gehuysschen tot hue(re)n laste en(de)/ coste en(de) sond(er) afslach vand(er) hueri(n)ghen de heymelich(eit) ald(aer) staen(de) [eens] bynne(n)/ hue(re)n t(er)mijne sulle(n) doen ruyme(n) en(de) veghen en(de) de geheel vuylnisse der/ selve(r) int water doen vue(re)n It(em) oft de vors(creven) gehuysscen de vors(creven) huyse/ bynne(n) hue(re)n t(er)mijne yeman(de) souden willen ov(er)gheve(n) oft voerts verhue(re)n/ d(aer) af sal de vors(creven) lod(ewijk) talle(n) tijde(n) de naeste sijn op dat hem gelieft/ voir den prijs vors(creven) niet wederstaen(de) dien dat sij die selve goede tot/ hoge(re)n prijse souden moghen v(er)hue(re)n en(de) als vanden stalle ald(aer) staende/ te weten oft de vors(creven) gehuysschen ald(aer) e(n)nige p(er)de sulle(n) moghe(n) houden/ oft egheene d(aer) af sullen sij staen op huer ave(n)ture sond(er) den vors(creven)/ lodewijke uut saken va(n) dien te mogen pramen Op welke vurw(er)d(en)/ alle en(de) yegewelke vors(creven) de vors(creven) gehuysschen bekint hebbe(n) de vors(creven)/ huyse vanden vorg(enoemde) lod(ewijk)[e] genome(n) en(de) gehuert te hebben [en(de) lodewijc hen die v(er)huert te hebbe(n)] en(de) vanden/ selve(n) vurwerd(en) en(de) (con)dicien [hebbe(n) zij] den selve(n) lod(dewijk)[e] [geloeft] te voldoene en(de) alle saken/ t(er) goeder meyni(n)gen sond(er) argelist In desen mede bevorwert dat peeter/ de droechsceerde(re) die deen vanden vors(creven) tween huysen tegen joese vakaert/ gehuert heeft welc joes de selve goede te vore(n) tege(n) den vorg(enoemden) lod(ewijk)[e]/ gehuert hadde sijn hueri(n)ge [d(aer) aen] behoude(n) sal in sulk(er) manie(re)n gelijc hij die/ tegen den selve(n) joese gedaen heeft oft gelijc de vors(creven) jan v(er)nalite(n) en(de) de selve/ pet(er) des und(er)linge zed(er) overcome(n) moig(en) zijn cor(am) vos burg(imagistro) julii xi