Navolgen(de) der t(er)minacien onder ons staen(de) xxviii octobr(is) lestleden d(air) mede/ de weduwe joh(ann)is wilen pauwels [va(n) mechlen] geappointeert was claernisse bij hue(re)r/ eed deughdelic te doene [vander schult die arnt meys de jonge huer sculdich was] heeft de selve weduwe op heden hue(re)n eedt/ behoirlic gedaen ende geclairt hoe dat [de selve] arnd meys de jonghe ingeseten(en)/ van deser stat huer deughdelic sculdich ende belanc es bleven van/ gheelen wercke van batterien ketelen en(de) ande(re)n [dier gelike] die so(m)me van tween/ vijftich ponden vijfthien scellinge sesse pe(n)ninge vleems d(air) af op zij/ bekinde en(de) voirts claerde bijde(n) selve(n) eede in afslaghe van dien gehave(n)/ en(de) ontfanghen te hebben veerthien pont xix scellinge vleems sonder/ de wettige coste(n) die sij int v(er)volch van desen heeft gelede(n) act(um)/ in (con)silio opidi dece(m)br(is) xxix