Tvo(n)nisse vande(n) gedinge dat voir meye(r) en(de) scepen(en) va(n)/ loven(en) gehange(n) heeft tusschen janne vranx ae(n)legge(r) in/ deen zijde ende janne wout(er)s v(er)weerde(r) in dande(re) daer/ de voirscr(even) aenlegge(r) den voirs(creven) v(er)weerde(r) aensprack seggen(de)/ dat hij hem afgenome(n) hadde en(de) hij hadde de(n) voirscr(even)/ v(er)weerde(r) ov(er)gegeve(n) de pechtinge die hij hadde aende/ mole(n) he(re)n jans van ranshems ridd(er)s liggen(de) terps in/ alle d(er) manie(re)n hij de aenlegge(r) die tege(n) den selve(n) he(re)n/ janne hadde genome(n) en(de) zijne(n) tijt uuyte versocht d(aer)om/ de selve aenlegge(r) dat de voirs(creven) v(er)weerde(r) hem aenden/ selve(n) he(re)n ja(n)ne va(n) ranshem en(de) vand(en) voirs(creven) pechtinge(n)/ ontsloge want hij d(aer)af voe(r) hem niet staen en woude/ D(aer)op de v(er)weerde(r) hem v(er)antwerden(de) boodt te thoene(n)/ en(de) mett(er) wet van erps dat de voirs(creven) aenlegge(r) ende/ v(er)weerde(r) voe(r) de selve wet v(er)gadert ware(n) omtrint sinxen(en)/ lestleden d(aer) de selve aenlegge(r) den voirscr(even) v(er)weerde(r)/ ov(er)gaf de pechtinge sijne(n) tijt uuyt vand(en) voirs(creven) mole(n)/ ende dat vorweerde was en(de) dat de voirs(creven) v(er)w(er)de(r)/ d(aer) geloefde voe(r) wet voe(r) den voirs(creven) ae(n)legge(r) aen h(er)/ janne va(n) ranshem vand(en) voirs(creven) pechtinge(n) inne te/ stane op alsoe dat de selve aenlegge(r) den voirscr(even)/ v(er)weerde(r) ald(aer) geloefde dat hij hem uuyt sake(n) vand(en)/ pechtinge(n) voirs(creven) d(er) voirs(creven) mole(n) ne(m)m(er)mer p(ra)me(n) en/ soude met hachte(n) noch and(er)s noch doen prame(n) noch/ hachte(n) het en wae(re) dat hij yerst uuyt sake(n) der selv(er)/ pechtinge(n) vand(en) selve(n) h(er) janne oft va(n) zijne(n) wege(n) wae(re)
//
gepraemt oft schadechtich Biedende dese pointe(n) mett(er)/ selver wet te thoene(n) hoepen(de) want de ae(n)legg(er)/ niet bij en leyt als hij recht hadde dat hij geprae(m)t/ was op dat hij zijns thoens volcome(n) conste dat/ hij der aenspraken ongehoude(n) zijn soude Dairop/ bij scepen(en) nae aensprake en(de) v(er)antw(er)d(en) va(n) beyd(en)/ p(ar)tien de verweerde(r) gewijst w(er)t tot zijne(n) thoene/ d(aer)af hij ten dage d(aer)toegestelt zijns vermets gehelijc/ volquam ende soe w(er)t gewijst ten uuyt(er)sten nae/ aensprake en(de) v(er)antwerd(en) van beyde(n) p(ar)tien en(de) den/ thoen des voirs(creven) v(er)weerd(er)s dat de voirscr(even) aenlegg(er) te/ vroech op was cor(am) om(n)ibus scabinis dempt(is) meld(er)t/ couck(eroul) januar(ii) xviii