Inder saken van gescille die voer de wethoude(re)n der stat van loven(en)/ quam tusscen willem(me) de hane van nederlyntre aenlegge(r) in deen/ zijde ende ydenoyen weduwe henrix wijlen van vedichoven/ woenen(de) te loeven(en) verweerersse in dande(re) om tgebrec dat/ de vors(creven) aenlegge(r) alleg(er)de van dat de vors(creven) ydenoye met/ wijlen hue(re)n man den voirs(creven) aenlegg(er) vercocht hadde(n) ende/ gewa(r)endeert seke(r) goede geleg(en) te nederlyntre voir chijsgoet/ nae inhoud der brieve dair af sijnde die welke naemaels/ alse vand(er) eender helicht leengoede wae(re)n vonde(n) ende/ hadde de selve ydonoye dopdracht vanden selve(n) leene/ in tshee(re)n handen gedaen tot des vors(creven) aenleggers behoif/ Mair hem dat niet genoech sijnde versocht hij theer/ geweede camerlinc recht man recht ende de costen van dat/ de hee(r) opde goede hadde geweest bij hem verleecht ende/ ande(r) laste(n) van rechte hier toe hoe(re)nde gerestitueert ende/ afgedaen te wordde(n) ende voort dat leengoede ter taxacien/ van vinders vanden hove arg(er) wae(re)n dan chijsgoede/ Der voirs(creven) ydenoyen hue(r) verantweerden(de) met alrehanden/ reden(en) die sij meynde dat voe(r) hue(r) mochte(n) diene(n) Wart/ geappointeert biden wethoud(ere)n vors(creven) en(de) bij (con)sente van/ p(ar)tien dat de vors(creven) ydenoye den vors(creven) aenlegge(r) de lasten/ van rechte des vors(creven) leens afdoen en(de) restitue(re)n soude/ ende alse vand(er) verrichting(en) van dat arg(er) mocht sijn/ leen dan erve dwelc de vors(creven) ydenoye ontkinde wae(re)n/ de vors(creven) p(ar)tien (con)tent hen mynlic bij tussce(n) spreke(n) te v(er)liken/ oft uut(er)lijc trecht d(aer) af te nemen dair en(de) alsoe dat behoi(re)n/ soude act(um) p(rese)ntib(us) roelofs burg(imagistr)[o] lyemi(n)g(en) meldert scabinis/ et plu(r)ib(us) aliis de (con)silio m(ar)tii xix