Vand(en) gedinghe dat jan de hane als aenlegge(r) voert/ stelde jegen ja(n)ne boxhoren zijne(n) swager seggen(de) dat/ hij sculdich ware uut crachte van eene(n) contracte onder ons/ staen(de) onder de deylinghe tusschen de voers(creven) p(ar)tien gemaict/ gepasseert februarii tercia post quasimo(do) a(n)no lxxii zijn kints/ gedeelte te hebben(e) inde sesse rijders en(de) vier cronen inder/ selver (con)dicien beg(re)pen daer aen de voers(creven) boxhoe(re)n als/ hij seyde hem letsel dede Daer op de selve boxhoe(re)n hem/ hem verantwerde en(de) boot te bewijsen dat seke(r) p(ro)ces tusschen
//
de voers(creven) p(ar)tien en(de) seder der voers(creven) condicien voer den officiael/ te loeven(en) gehangen hadde om vier crone(n) die des voers(creven) jans/ boxhoerens wive op de gemeyne goede voe(r) uut waren/ gemaict daer de selve boxhoiren met diffinitive(n) vo(n)nisse(n)/ de selve vier crone(n) hadde gewonne(n) D(aer)o(m)me hij meynde/ dat hem die volgen en(de) wordden souden voer al de voers(creven)/ hane meynde dat hem dinhout der voers(creven) condicien soude/ werden volvuert En(de) soe wert gewijst bij scepen(en) van/ loeven(en) ter manissen smeyers nae aensprake en(de) verantwerde(n)/ en(de) claernissen van beiden p(ar)tien gedaen soe van des officiaels/ vo(n)nisse der voers(creven) (con)dicien en(de) anders dat de voers(creven) jan/ de hane verdoolt wae(r) tkintsgedeelte te volgen jegen des/ tvo(n)nisse vand(en) voers(creven) officiael hadde gegeve(n) eisdem