Het zijn come(n) in rechte voe(r) meye(r) en(de) scepen(en) van loeven(en)/ jouffr(ouw) ka(tlij)[ne] van hofstaden weduwe arnts wijlen goessens/ en(de) heeft aengesproken clase artgoessens hue(re)n swager/ seggen(de) dat de selve v(er)weerde(r) tande(re)n tijden met hue(r)/ een contraict heeft gemaict en(de) hue(r) gelooft te betalene/ twintich rins guld(en) op dat zij hem leende en(de) te baten/ brachte hue(r) hilike vorwerde en(de) dat hij ge(re)winne(n) conste/ de stocgoeden gebleve(n) nae de doot wijlen lijsbetthen/ arntgoessens zijnd(er) suster en(de) dat de selve verweerde(r)/ om die goede gedinct hadde te vorst en(de) dat hem die/ met rechte en(de) eene(n) hootvo(n)nissen van loeven(en) wae(re)n aen/ gewijst en(de) dat de voers(creven) hilike vorweerde daer in/ rechte in zijne(n) behulpe was geexhibeert en(de) al was/ des verwerders p(ar)tie geres(er)veert actie van testame(n)te dat/ men die volgen mochte daer die behoirden Daer af/ hadde de verwerde(r) bute(n)rechts met p(ar)tien geco(m)poseert/ de voers(creven) v(er)werde(r) hadde oic der voers(creven) aenleggerssen/ op dese co(m)posicie twee rins guld(en) betaelt dese pointe(n)/ boot zij te thoene(n) hopen(de) oft zij die gethoene(n) conde/ dat de voers(creven) v(er)weerde(r) gehoude(n) zijn soude hue(r) de/ voers(creven) co(m)posicie te onderhouden Daer de voers(creven) ver/ werde(r) hem op verantwerde met alrehande redene(n)/ en(de) ten uut(er)sten werden beyde p(ar)tie(n) gewijst tot hue(re)n
//
thoene daer inne die voers(creven) aenleggersse huers v(er)mets/ volqua(m) En(de) alsoe wert gewijst ten uut(er)sten dat/ de voers(creven) verweerde(r) gehouden zijn soude der voers(creven)/ aenleggerssen de voers(creven) twintich rinsguld(en) ende/ daer aen cortten de twee die gethoent waren/ betaelt te zijne op teleggen en(de) te betalen eisd(em)