It(em) her jan van langrode regulier des godshuys van/ vlierbeke en(de) als p(ro)cur(eur) desselfs in p(rese)ncia heeft gegeven/ en(de) bekendt gegeve(n) te hebbe(n) inden name als voe(r) janne/ van pamele zone wile(n) jans drie boender lants luttel/ min oft meer met den schooflande de(n) voirs(creven) cloestere/ toebehoiren(de) gelege(n) te willebringe(n) en(de) d(aer)omtrint gelijck/ jan m(er)celijs die ald(aer) ghehoude(n) heeft Te houden en(de) te/ hebben van halfm(er)te a(n)no lxxi voirlede(n) eene(n) t(er)mijn va(n)/ neghe(n) jae(re)n lanck deen nae dander zond(er) middel v(er)volg(ende)
//
elx jaers daerenbynne(n) om en(de) voir xxvii sacken rogs goet/ en(de) payabel wel bereyt der mate(n) van thiene(n) alsulx grains/ als opde voirs(creven) lande ende de lande te willenbringhen/ dair tgodsh(uys) den iii[den] en(de) iiii[de(n)] schoef op heeft en(de) oick/ helicht wy(n)ninghe wassen sal tsinte andr(ies)misse apostels/ te betale(n) den voirs(creven) godsh(uys) den voirs(creven) t(er)mij(n) lanck/ due(re)nde Met vorweerden dat de voirs(creven) wyn de voirs(creven)/ drie boende(r) lants den voirs(creven) t(er)mijn lanck due(re)nde wel/ en(de) loflijck wynne(n) meste(n) en(de) besayen sal gelijc rege(n)genote(n)/ bove(n) en(de) beneden en(de) die tsijne(n) afsceyde(n) late(n) inden selve(n)/ aert dat de lande die d(aer)aen renen dan ligghe(n) zele(n) en(de)/ wel en(de) loflijck nae hue(r) behoirt It(em) sal de voirs(creven) wy(n)ne/ hebben jairlix vand(en) voirs(creven) godsh(uys) den voirs(creven) t(er)mijn due(re)nde/ te wete(n) op deen jair vier elle(n) wulle(n)s lakens alsulx/ als hij sijne(n) ande(re)n diene(re)n gheve(n) sal en(de) op dander/ jair een mudde corens vanden voirs(creven) pachte It(em)/ sal de voirs(creven) wynne zijn den voirs(creven) t(er)mijn due(re)nde des/ voirs(creven) godshuys meye(r) ende inneheffen alle v(er)vallen/ des voirs(creven) godsh(uys) van chijse pontpe(n)ni(n)ge kue(re)n en(de) and(er)s/ te willenbringe(n) en(de) d(aer)omtrint en(de) d(aer)af jairlix den/ selve(n) godshuyse goede rekeni(n)ge en(de) bewijs doen/ Ende alle dese vorweerde(n) (et)c(etera) h(ier)af zijn [es] borghen/ svoirs(creven) wynne(n) als p(ri)ncipael schulde(r) h(er)man van/ pamele henr(ix) sone et p(ri)m(us) abs(oloens) pynnock junii xviii