It(em) aert vanden hoeye va(n) mechelen die den rade vander stat te/ kenne(n) hadde gegeve(n) dat daneel va(n) opberghe en(de) margriete/ schouwers zijn sweg(er) uuyt crachte va(n) love(n)schen br(ieven) hem en(de) zijne(n)/ goede(n) te hembeke aende kerke gelege(n) eyssche(n) woude(n) twee/ veerdele(n) rox melschelsche erfs pachts d(aer)inne hij meynde dat/ de selve zijn goede niet en ware(n) gehoude(n) heeft op hede(n) voir/ meye(r) en(de) scepen(en) van loven(en) bescreve(n) den selve(n) daneele en(de) m(ar)gr(ieten)/ soe v(er)re zij hem oft zijne(n) goede(n) mette(n) voirscr(even) br(ieven) ten ocsuyne/ vanden voirscr(even) pachte yet woude(n) bethijden dat zij op hede(n)/ voir meye(r) en(de) scepen(en) van loven(en) ware(n) come(n) daer de ky(n)nisse/ vanden selve(n) br(ief) behoirt ende nyema(n)t van hen come(n) noch/ gecompareert en is den voirs(crevn) arnde hem inder vierschare()n p(rese)nte(re)nde/ soe hebben de wethoude(re)n bevole(n) de voirs(creven) p(rese)ntacie des voirs(creven)/ arnts getekent te werden om hem in rechte te diene(n) dair en(de)/ alsoe dat behoire(n) sal septembr(is) xii