It(em) henric van coudenberghe geheeten spapen in p(rese)ncia heeft/ genome(n) ende bekint dat hij genome(n) heeft van henricke van/ pulle inden name van hem selven ende den ande(re)n erfgenamen/ jouffr(ouwe) marien wilen uut(er) helicht weduwe daneels wijlen vand(en)/ hornicke acht(er)volgen(de) den uutgeven(en) hier af den selve(n) wynne/ bijder selver wijlen jouffr(ouwe) marien in hue(re)n leven(de) live gesciet zoe/ p(ar)tien dat bekinde(n) thof der selver erfgename(n) mette(n) wynnenden/ landen beemde(n) eeusselen chijsen en(de) pachten met allen ande(re)n/ zijnen toebehoirte(n) geleg(en) inden p(ro)chien van wackersele van/ rotselair haecht tieldonc he(re)nt en(de) dair omtri(n)t uutgenome(n) drie/ hollan(sche) gul(den) erflik(er) rinte(n) aen en(de) op zeke(r) goede toebehoirende
//
janne van ijssche inde p(ro)chie van werchte(r) geleg(en) en(de)/ uutgenome(n) eenen hollan(sche) gul(den) erflic op zeke(r) goede der weduwe(n)/ jans wijlen uut(er) helicht diemen hiet van(den) elsbroeke te/ wackersele geleg(en) Te houden te hebben en(de) te winne(n) van/ halfmeye dat was a(nn)[o] lxxii eene(n) t(er)mijn van tweelf jae(re)n/ lanc vervolg(ende) elcx jairs d(aer)enbinne(n) om en(de) voe(r) viventwintich/ mudde(n) corens goet en(de) payabel der mate(n) van loeven(en) met wa(n)ne/ en(de) met vede(re)n wel bereit alle jae(re) tsint andriesmisse apostels te/ betale(n) en(de) te loeven(en) te leve(re)n ende voirt om vijftich hollan(sche)/ gulde(n) te xvi stuv(er)s tstuc oft de weerde d(air) af tsinte mertensmisse/ te betalen der selver den vors(creven) henr(icke) van pulle tot behoif/ en(de) inde(n) name van hem selve(n) en(de) den ande(re)n mede erfgename(n)/ vors(creven) quol(ibet) ass(ecutu)[m] Item sal de voirs(creven) wynne de vors(creven) lande/ wel ende loflic wynnen werve(n) ende meste(n) en(de) oic bevreede(n)/ zijnen t(er)mijn due(re)nde gelijc zijnen reengenoete(n) bove(n) ende/ beneden ende ten leste(n) jae(re) vand(en) voirs(creven) t(er)mijne sal de voirscr(even)/ wynne alle tstroe vand(en) voirs(creven) goede(n) comen(de) int vors(creven) hof bring(en)/ en(de) met sijne(n) beeste(n) etten en(de) te meste maken en(de) int selve hoff/ aldair late(n) Item en sal de wynne den voirs(creven) t(er)mijn due(re)nde/ gheen ande(r) goede moig(en) innemen sonder (con)sent des voirscr(even) jouffr(ouwe)/

alite(n) [uutgev(er)s en(de) sijnd(er) medepleghers] dan tot omtri(n)t twee oft ii(½) boende(re)n Item es vorweerde/ dat de voirs(creven) wynne de beemde en(de) eeussele den vors(creven) hove toebehoren(de)/ alle jae(re) sal moig(en) zaeyen uutgenome(n) de twee leste jae(re)n en/ sal hij gheen moigen saeyen mair die late(n) te ghersse liggen/ It(em) selen sal de vors(creven) wynne alle de quade weghe en(de) poele/ tegen de vors(creven) goede liggen(de) alsoe in tijts veghen en(de) die/ waterleyen ruymen dat den uutgev(er)s d(air) af gheen schade/ en come It(em) wairt dat de vors(creven) wynne schade lede vand(er)/ dijlen en(de) de beemde omtri(n)t der dijlen liggen(de) den vors(creven) hove
//
toebehoiren(de) verdroncke(n) soe sele(n) hem de voirs(creven) jouffr(ouw) uutgev(er)s/ vand(er) vors(creven) vijftich hollan(sche) gul(den) dat jair corte(n) vive der selver/ guld(en) mair bevontmen nae tverdrincken dat tgebrec ware/ inden wynne van de voirs(creven) beemde in tijts te hoeyen oft anderssins/ soe en sal hem gheenen afslach gescien It(em) sal de vors(creven) wynne/ allen den chijs pacht en(de) rente(n) jairlix uut de(n) vors(creven) goede(n) gaende op sijne(n)/op hue(re)n last den p(er)sone(n) die d(air) op e(n)nige hebben alsoe in tijts den/ voirs(creven) t(er)mijn due(re)nde betalen sonder afslach der so(m)men voirscr(even)/ dat den vors(creven) erfgename(n) d(air) bij gheen scade en come It(em) sal/ de vors(creven) wynne alle de strunceyken opde vors(creven) goede staende/ mogen truncken en(de) sleenen om dair mede sijne(n) wille te doene/ als die tijtverdich sijn It(em) sal de voirs(creven) wynne de huysinge vand(en)/ voirs(creven) hove houden wel en(de) loflic vand(er) underster rijkele(n) ned(er)weert/ den voirs(creven) t(er)mijn due(re)nde en(de) die alsoe late(n) tsijne(n) afsceide(n) It(em) sal/ de voirs(creven) wynne jairlix eene(n) man houden decken(de) opde voirs(creven)/ huyse en(de) hem leve(re)n alsoe vele stroes als hij verdecke(n) sal moig(en)/ en(de) dair toe hem geve(n) den montcost en(de) werc gelt It(em) oftmen/ dair ty(m)merde decte oft plecte met dachue(re)n en(de) de wynne de(n)/ werclieden den montcost gheeft alsoe hij doen moet ter begheerte(n)/ der selver wercliede(n) soe selen de vors(creven) erfgename(n) de(n) wynne/ van eenen yegeliken afslaen sdaichs eenen stuver en(de) allet ty(m)mer/ hout sal de wynnen mote(n) hulpen halen dair hem dat beweesen/ sal wordden des sal hij hebben de spaende(re)n dair af vallen(de)/ en(de) doverhout sal de wynne den voirs(creven) erfgename(n) te loeven(en)/ leve(re)n It(em) sal de wynne halen alsoe vele merghels als/ opde lande vand(en) vors(creven) hove behoeve(n) sal en(de) derfgename(n) sele(n)/ dien mote(n) betalen It(em) wairt alsoe dat de vors(creven) wynne/ binne(n) den vors(creven) tide e(n)nige schade lede van vreemden gewapen(de)/ volke soe es vorweerde dat de vors(creven) erfgename(n) de(n) selven
//
wynne dair af rastoir doen sal soude tot liechtmisse/ toe en(de) niet lang(er) evenverre aldair nyet voldorsschen/ en wae(re) ende eenich coren bijdes vors(creven) wynne(n) gebreke/ nae liechtmisse inder schuer(en) bleve liggen ongedorsschen/ en(de) ten lesten twee jae(re)n en selen [sal] de vors(creven) wynne vand(en)/ vors(creven) lande niet moige(n) hoervruchte(n) dan een half/ boender It(em) heeft voirt de vors(creven) wynne gelooft dat/ hij binne(n) den tide vors(creven) nyemants borghe blive(n) en sal/ en(de) dat hij alle beleyde die hier tegen eenich hynder/ doen mochte(n) selen doen quijtscelden oft bringen alhier/ onder de wet ad mo(do) Ende alle dese vorweerd(en) Ende/

alle dese vorweerd(en) cor(am) couck(eroul) reth(eman) oct(obris) xiiii