It(em) gielijs le(m)mens die geleyt es nae der stat recht tot allen den/ goeden have en(de) erve jans wijlen vand(en) wolputte en(de) katlijnen/ clincke zijns wijfs doen hij leefde ter eender sijden en(de) de selve/ katheline ter ande(re) sijn met malcande(re)n eenswordden ende/ overcomen der pointe(n) en(de) (con)dicien hier nae bescrev(en) die zij
//
malcande(re)n gelooft hebben tonderhoude(n) Inden yerste(n) dat de/ voirs(creven) gielijs hebben sal in sijnen handen de beruerlike goede/ der vors(creven) katheline(n) bescrev(en) inden scepen(en) inve(n)tar(is) op heden/ gemaict liggen(de) in eend(er) swertter [lang(er)] doozen dair op gescrev(en)/ staen gielijs le(m)mens en(de) katlijne clincke en(de) die behouden een/ jair lang in sijne(n) handen oem dae(re)ntinde(n) sijn wettich gebrec/ aen de selve goede en(de) oic aen thuys en(de) hof geleg(en) inde/ borchstrate te verhalen en(de) te v(er)reycken zoe verre de voirs(creven)/ katheline binne(n) middelen tide hue(r) tegen den vors(creven) gielise/ en(de) zijne(n) gebreken niet en opponeert met rechte voer meye(r)/ en(de) scepen(en) van loeven(e) dwelc zij doen mach en(de) dair recht/ plegen alst huer gelieft Mair desen niet tegenstaen(de) want/ dat bauduin vand(en) hove na(tur)lic sone der selver katlijnen/ eer djaer o(m)me wae(re) quame uute(n) dienste m(ijns) gened(ichs)/ he(re)n inde(n) orloge dair hij nu es soe mach des voirs(creven) es/ niet tegenstaen(de) de vors(creven) gielijs sijn recht opde(n) selven/ bauduine en(de) sijn goede volge(n) en(de) dan als hij betailt es/ der vors(creven) katheline(n) hue(r) goede wederleve(re)n Ende in behulpe/ des voirs(creven) gielijs heeft de vors(creven) weduwe oic ond(er) de wet/ inder selver doezen geleecht testam(en)t des vors(creven) wijlen jans/ van waelput dair mede sijn yerste wijf hem macht gaf/ tvors(creven) huys te vercoepen en(de) sijne(n) wille dair mede te doen/ Deselve kathline heeft oic ge(con)senteert den vors(creven) gielise/ dat de hue(r) vand(en) vors(creven) huyse in des vors(creven) gielijs handen/ blive(n) sal altijt tot sijnder schout behoif die hij met rechte/ sal connen gewynnen en(de) dat dat nyemande dan eerbe(re)n/ p(er)soene(n) van eerbae(re)n geselscape bij (con)sente des selfs gielijs v(er)huert/ en sal wordde(n) cor(am) meldert retheman oct(obris) xvii