Allen den ghenen (et)c(etera) doen cont en(de) te wete(n) dat heden voir ons als wet/ comen es in p(er)soene meest(er) jan maechelein meest(er) in arte(n) (et)c(etera) die welke/ heeft ge(con)stitueert sijn p(ro)cur(eur)s en(de) wettige stedehouders claese vand(er) eyken/ sone jans en(de) jouffr(ouwe) lijsbette(n) docht(er) willems pypenboys sijn wijf die/ welke jouffr(ouw) lijsbeth pypenboys geauctoriseert heeft hue(re)n man claese/ voirgen(oemt) te doene in wette en(de) and(er)ssins tgene dat hier na volgen sal/ Ghevende macht de vors(creven) meest(er) jan machelein den voirs(creven) clayse oft sijne(n)/ wettige(r) wive toeghers oft toegher desen l(ette)ren in sijne(n) namen te eysscene/ te innene te bedingene en(de) te acht(er)volgen(e) alle saken sculden pachte(n) rente(n)/ verdeelinge(n) in sterfhuyse ende sunderlinge alsulc deel van versterften/ te aenv(er)dene int sterfhuys van jorijs machelein svoirs(creven) meest(er) jans/ brued(er) was als hem dair af toecomen sijn mach van huyse(n) erve(n)/ rinte(n) gronde(n) van erve(n) en(de) cateylen waer en(de) onder heerscapien die/ geleg(en) moig(en) sijn Omme die bijden vors(creven) claese als p(ro)cur(eur) ende/ geauctoriseert van sijne(n) wive op teheffene en(de) te ontfaene als sijn/ en(de) sijns wijf prope(r) goet voir alle he(re)n wetten ende justicien binnen
//
vlaende(re)n brabant sunderlinge binne(n) der stede en(de) lande van denre/ monde aldair al te doene naer wet costu(m)e ende usaigie datter/ toebehoe(re)n sal gedaen te sine ontfaende quijtsceldende ervende/ ende ontervende van alsulke(n) gronde(n) van erve(n) oft erfliken rinte(n)/ als de (con)stituant hebben mach en(de) hem toebehoiren(de) zijn ter cause(n)/ vand(er) doot sijns vors(creven) broeders joerijs machelein binne(n) den/ scependo(m)me vand(er) stede van denremonde en(de) den p(ro)chien van/ sint gielijs belle en(de) zwiveke Gelovende de constituant/ renu(n)cie(re)nde in desen de p(ri)vilegie(n) vand(er) univ(er)siteit van loeven(en)/ en(de) alle ande(r) wees bide(n) vors(creven) claes vand(er) eyken en(de) sijne(n) wive/ oft e(m)mer den selve(n) claese alleene als geauctoriseert van sijne(n)/ wive hier inne gedaen sal sijn in manene in vervolgene/ in arreste(re)ne in ontfaene in quijtscelding(en) in ontervene oft/ ervene en(de) and(er)ssins dat te houden(e) eeuwelijc vast zonder wed(er)/ segge(n) oft verbreken op tverbant van allen sijne(n) goede(n) octobr(is)/ xviii