SAL7369, Act: V°378.1-V°379.1 (690 of 721)
Search Act
previous | next
Act V°378.1-V°379.1  
Act
Date: 1476-06-14

Transcription

2019-11-20 by Karel Embrechts
It(em) henrick vande(n) berghe geheete(n) de zeghe(re) en(de) m(ar)griete va(n)/
straesborch zijn wijf wed(uwe) jans wile(n) vande(n) vere dieme(n) hiet/
goessens hebbe(n) opgedrage(n) met wettig(er) verthienisse(n) een hoefke(n)/
met zijne(n) toebeh(oirten) gelege(n) opde(n) rechte(n) keyberch d(aer)men gaet s(in)[te]/
katlijne(n) capelle(n) weert tussche(n) de goede wile(n) jans loenijs/
lijne(n) wevers nu marie(n) va(n) leeuwe docht(er) wile(n) jans t(er) eend(er)/
zijde(n) en(de) jacops wile(n) quisthouts nu he(re)n jacops zijns soens/
priest(er)s t(er) ande(r) strecken(de) acht(er)weert tot den goede(n) d(er) voirs(creven)/
m(ar)grieten van straesborch en(de) hue(re)r kinde(re)n die zij heeft va(n)d(en)/
voirs(creven) wilen janne vande(n) ve(re) hue(re)n yerste(n) man Welc/
hoefken de voirs(creven) gehuyssche(n) samentlijck in volle(n) stoele/
sitten(de) gecocht en(de) gecrege(n) hebbe(n) teghe(n) yde(n) wed(uwe) jacops wile(n) va(n)/
[stertbeke janne coninck ende katlijne(n) zijnder huysvrouwen] alsoe dat blijct in scepen(en) brieve(n) va(n) loven(en) d(aer)op gemaect/
a(n)no xiiii[c] lxix me(n)s(is) aug(usti) die vii Ende den voirs(creven)/
gehuysschen bij ordinan(cie) des rechts met alle(n) d(aer)af ontgoet/
en(de) onterft zijnde ende goirde hanckart d(aer)inne behoirlijc/
gegoet en(de) ghevesticht wesen(de) bij manisse en(de) orlove she(re)n/
vanden gronde en(de) wijsdo(m)me d(er) scepen(en) heeft de/
voirscr(even) goirdt hanckart dese voirs(creven) goede wederom/
opgedrage(n) in tshe(re)n hande vanden gronde d(aer)af gansselijc/
worpen(de) en(de) v(er)thiden(de) en(de) hem d(aer)af allessins ontgoet/
zijnde soe zijn [es] dair inne behoirlijck gegoet ende/
gevesticht de voirs(creven) m(ar)griete van straesborch p(ro) mo(do)/
opde vueghe vorme en(de) cond(icien) h(ier)nae bescr(even) Te wete(n)/
dat de voirs(creven) m(ar)griete oft zij den voirs(creven) henr(icke)/
hue(re)n man ov(er)leefde tselve hoefken bynne(n) hue(re)n leven(e) int/
geheele als p(ro)p(ri)etar(isse) en(de) erfwijf van dien soude moeghen/
v(er)cope(n) versetten verthie(re)n belasten en(de) na hue(re)r gelieften/
d(air)af dispone(re)n op dat dit bijde selve gehuysschen en(de) in/
hue(re)r beyder leven(de) live niet v(er)cocht verthiert noch anders/
dairaf gedisponeert en wae(re) Ende oft bijde selve gehuyssce(n)/
gesamender hant noch bijdenr selv(er) m(ar)griete(n) alleene oft zij
//
langher leefde dan henrick noch bijde(n) voirs(creven) henr(icke) oft hij/
langer leefde voir zijn helicht v(er)cocht v(er)thiert noch/
elswair gedisponeert en wae(re) soe soude tselve hoefke(n)/
int geheele nae hue(re)r beyder doot blive(n) den wettighen/
kinde(re)n der voirs(creven) m(ar)grieten die zij heeft vand(en) voirscr(even)/
wile(n) ja(n)ne vande(n) ve(re) hue(re)n yerste(n) man sub iu(r)e p(ri)[(us)]/
inde debito Bij also dat de selve kinde(re) alsdan de(n) naeste(n)/
erfgename(n) des voirs(creven) henr(ix) in die(n) gevalle geve(n) sele(n)/
vijf cro(nen) te xxiiii st(uvers) tstuck eens elke(n) stuv(er) te iii pl(a)c(ken)/
alse voir des voirs(creven) henr(ix) helcht vande(n) selve(n) erve op dat/
der selv(er) m(ar)griete(n) kinde(re) die helcht d(air)voe(r) alsdan onthoude(n)/
wille(n) ende oft zij die alsdan d(air)voe(r) niet onhoude(n) en woude(n)/
soe souden desselfs henr(ix) erfgename(n) te vrede(n) moete(n) zij(n) voe(r)/
de selve huer helcht van dien te hebben(e) en(de) tot eeuwige(n)/
dage(n) te aenveerde(n) tporceel va(n) dien te hebbe(n) hove opw(er)t/
liggen(de) te wete(n) sint ka(tlij)[ne(n)] weert d(air) de poirte inne steet/
afgemete(n) ten halve(n) mue(r) dair de selve poirte op dit gedeelte/
mede inne ghe(re)kent sal zijn ende van dien halve(n) mue(r)/
draet rechte op eene(n) pael oft steen recht uuyt ten hove/
weert inne en(de) van dien pale oft steen tot op eene(n) ande(re)n/
pael oft steen miesch drayen(de) ten hove w(er)t inne he(re)n jacops/
quisthouts p(ri)sters voirs(creven) en(de) van dien tweeste(n) steene/
voirt tot op de(n) hoeck va(n) he(re)n jacops thuyne d(air) staen(de)/
zonder yema(n)ts wedersegge(n) oft ande(r) oft voirde(r) deylinge/
naden lantrechte te versueke(n) op deen helcht vanden/
co(m)me(r) en(de) laste dair uuytgaen(de) Op vueghe voirt oft/
henr(ic) zijn voirs(creven) weerdynne ov(er)leefde en(de) hij sijn/
helcht der voirs(creven) goede(n) v(er)thie(re)n v(er)cope(n) belasten oft d(air)af/
anders dispone(re)n woude soe en soude hij dat niet/
voirder mogen doen dan dov(er)ste porceel voirs(creven) gelijck/
dat afgepaelt es naest den voirs(creven) he(re)n jacoppe quisthout
//
gelegen ende oft de selve henrick lang(er) leefde [leven(e)] dan zij(n)/
weerdynne die helcht bynne(n) sijne(n) leven(e) niet en v(er)thierde/
en v(er)anderde noch anders d(air)af en disponeerde soe/
souden der voirs(creven) m(ar)griete(n) kinde(re) voirs(creven) nae zijn doot/
gelijck voe(r) kuese hebbe(n) die helcht te behoude(n) voirde/
voirscr(even) v cro(nen) henr(ix) erfgename(n) eens d(air) voe(r) te geve(n)/
oft die te laten gaen en(de) blive(n) de(n) selve(n) erfg(enamen) ende/
oft de voirs(creven) helcht vande(n) erve opw(er)t liggen(de) naden/
ondersceyde voirs(creven) vand(en) wed(er)helcht gesceyde(n) worde/
soe souden de besitt(er)s van dien en(de) vanden wed(er)deele/
van dien te gelike moete(n) houde(n) tot eeuwige(n) daghen/
te wete(n) half en(de) haf den vrede tussche(n) beyde behoven(de)/
van voe(r) tot achter cor(am) meldert couck(eroul) junii xiiii
Contributorskristiaan magnus
Moderated byGreet Stevens
Last update: 2016-09-13 by Xavier Delacourt