It(em) roelof en(de) jouffr(ouw) katlijne wettige kinde(re) willems wile(n)/ lombaert die hij hadde van jouffr(ouwe) cleme(n)cien wile(n) py(n)nock/ zijne(n) wive dochter wout(er)s wile(n) py(n)nox in p(rese)ncia hebbe(n) geki(n)t/ en(de) gelijt oppenbarlijck voe(r) hen hue(re)n erve(n) en(de) nacomelinge(n)/ al eest soe dat ande(re)n wile(n) te wete(n) int jair xiiii[c] lxxii/ x daghe in april voir paessche(n) tussche(n) hen t(er) eender zijde(n)/ en(de) her ja(n)ne py(n)nock ridde(r) sone wile(n) wout(er)s die brueder/ was der voirs(creven) jouffr(ouwe) clemencie(n) hue(re)n neve t(er) ande(re) voe(r)/ scepen(en) van loven(en) te dier tijt een seke(r) appointeme(n)t en(de)/ traectaet gemaect es geweest hoe en(de) in wat manie(re)n/ zij underlinghe deyle(n) souden tversterffenisse dat hen v(er)schenen/ mach zij(n) en(de) toecome(n) naede doot wout(er)s wile(n) py(n)nox sone/ wile(n) jacops en(de) dat hen v(er)schijne(n) mochte en(de) toecome(n) nae/ en(de) bijder doot jouffr(ouwe) johanne(n) weduwe desselfs wile(n) wout(er)s/ staend(e) int ger register [vand(er) yerst(er) came(re)n] gerararts van baussele open ende/ onghecancelleert opde(n) daet voirscr(even) en(de) zoe dat [daer] uuyt noyt/ brieve gegrosseert noch gemaect en wae(re)n Soe hebben/ nochta(n) de voirscr(even) roelof en(de) jouffr(ouwe) ka(tlij)[ne] tsame(n) ende/ bezundert tvoirs(creven) tractaet doen a(n)nichele(re)n ende ov(er)mits/ dat zeder jouffr(ouw) joha(n)ne py(n)nox suster des voirs(creven) wile(n)/ wouters bynne(n) lants come(n) es die de alder naeste es/ van al den voirs(creven) goeden en(de) grooten lasten gebue(re)n ten
//
ocsuyn van desen gedaen gemaect en(de) gelede(n) te werden/ soe om de weduwe des voirs(creven) wilen wout(er)s soe om de/ voirs(creven) jouffr(ouw) joha(n)ne de(n) erfgenamen te (con)tente(re)n Soe hebbe(n)/ de voirs(creven) roelof en(de) jouffr(ouw) katlijne in orber des voirs(creven)/ h(er) jans op alle de voirs(creven) goede van wat natue(re)n die zij(n)/ mochte(n) v(er)teghe(n) en(de) ge(re)nu(n)cieert Geloven(de) dairop voirdae(n) niet/ meer te volghe(n) noch recht deel noch actie d(aer)op noch d(aer)aen/ te sueke(n) noch te eyssche(n) nu noch [h(ier)]namaels in gheender/ wijs mair van allen den selve(n) rechte actie(n) oft aendeele/ datse nu oft namaels d(aer)aen hebbe(n) mochte(n) den selve(n)/ h(er) ja(n)ne talle(n) tijde(n) tsijnder manisse(n) guedinge opdracht en(de)/ alle v(er)thidenisse te doen voir hee(r) hoff en(de) elder dair/ dat diene(n) ende behoeve(n) mochte al ten coste desselfs/ he(re)n jans Bij alsoe nochtan dat vanden yersten en(de)/ ghereetste(n) p(ro)fijten die de voirs(creven) h(er) jan h(ier)af trecken sal/ hij lossen sal en(de) afquite(n) die iii(½) pet(er)s erflijck die op/ borge(n) de voirs(creven) roelof tande(re)n tijde(n) v(er)cocht heeft he(re)n/ pete(re)n de beye(re) canonick tsinte pet(er)s te loven(en) ende/ de helcht van dien vijf crone(n) erflijck die de selve h(er)/ peter de beyde(re) canonick tsinte pet(er)s te loven(en) tande(re)n tide(n)/ yegen beyde de voirs(creven) p(ar)tien op thuys des voirs(creven) wout(er)s/ gelegen aent dbuerken ver[ge]cocht heeft couck(eroul) rethema(n)s/ junii xvii