It(em) her jan uuter lyemi(n)ghen ridder arnt vand(er) berct als/ mo(m)boe(re)n te des(er) tijt vand(en) groote(n) heylige(n)gheeste van loeven(en)/ ende dieric van langrode clerc ald(aer) in p(rese)ncia hebben/ gekint ende ghelijt dat zij van henricke van kets wett(ich)/ sone henr(ix) wile(n) van kets gehave(n) ende ontfanghen / hebben inden name vand(en) heylige(n)gheeste voirs(creven) alsulcken/ hondert ende tachte(n)tich ryns guld(en) als ghedrage(n) thien/ r(yns) guld(en) erfliker rinte(n) den d(enier) xviii die de voirs(creven) hen(ric)/ ende jan sijn brued(er) hebben moegen aflegge(n) nae inhoudt/ van seke(re)n scepen(en) brieve(n) van loeven(en) vand(er) daten xiiii[c]/ lxxiii den vierde(n) dach va(n) oechste o(m)me dan te aenveerde(n)/ alsulcke(n) tweelf mudd(en) rocx ende vie(r) mudd(en) even(en) erf/ pachts als vrouwe ysabeele va(n) herbaix moeder der voirs(creven)/ ghebruede(re)n hadde uut saken van eene(n) testame(n)te hue(r)/ ghemaect bij symoen(en) wilen van kets die insgelijcx/ wettich sone was der voirs(creven) vrouwe(n) ysabeelen ende/ brued(er) der voirs(creven) gebruede(re)n d(aer) af notar(is) is h(er) jan casteels/ priester den welcken erfpacht den voirs(creven) henr(icke) van kets/ alleene sculdich is te volgen want de voirs(creven) pe(n)ninge/ alleen uut zijne(n) handen comen zijn Bekinnen(de) hen
//
de voirs(creven) mo(m)boe(re)n vand(en) voirs(creven) c lxxx r(yns) guld(en) inden/ name als voe(r) volcomelijc vernuecht ende wel betaelt/ en(de) van allen acht(er)stellige(n) rinten der voirs(creven) x r(yns) guld(en)/ ende scelden(de) inden name als bove(n) dair af volcomelijc/ quite den voirs(creven) henr(icke) van kets zijnen erven en(de) nacomel(ingen)/ tot ewige(n) dagen cor(am) couck(eroul) reth(eman) junii xxii