It(em) johannes op den berch die nae den rechte der stat van loeven(en)/ comen en(de) geleit es tot allen den goede(n) des edele(n) jacops wijle(n)/ greve van zalme(n) in p(rese)ncia heeft gekint en(de) gelijt gehave(n) en(de)/ ontfange(n) te hebben vanden edele(n) en(de) mogen(de) hertoge willem(me)/ jonghe h(er)toghe te gulke en(de) tot den berghe greve van ravensberge/ hee(r) te heynsberghe te diest te zichen(en) en(de) dat uut hande(n) mathijs/ vand(en) rode sijns rintmeest(er)s in sijne(n) vors(creven) lande van diest die/ helicht van viventachtentich rinsch(er) guld(en) eene(n) stuv(er) vi mit(en) die/ vrou ysabeele(n) van glymes weduwe des vors(creven) greve(n) van salme(n)/ viele(n) te paesschen lestlede(n) Bekinnen(de) die vors(creven) jannes hem d(air)/ af vernuecht en(de) wel betailt Scelden(de) volcomel(ic) quite de(n) vors(creven)/ h(er)toge zine(n) vors(creven) rintmeest(er) en(de) alle ande(r) des quitan(cie) behoeven(de)/ vand(en) vors(creven) t(er)mijne van paessche(n) en(de) van alle(n) t(er)mijne(n) voer de(n)/ vors(creven) paessce(n) cor(am) ouderogge rethema(n) no(vem)[br(is)] vi[ta]