Item claes leysens zeyssenmake(r) in deen zijde en(de) jouffr(ouw) magriete colve weduwe/ jans wijlen van rode die wijf es jans van ghindt hebben(de) vand(en) selven/ hue(re)n man volcomen p(ro)curacie in dande(re) sijn bij toedoene en(de) ond(er)wijse/ vand(en) statmeeste(re)n die zij samentlic dair toe geroepen en(de) gebeden hadden/ overcomen en(de) mynlic eenswordde(n) alse van des vors(creven) claes huyse en(de) den/ huisen die de vors(creven) jouffr(ouw) magriete als gestelt vand(er) stat wegen tot/ den regimente der selver en(de) meer ande(r) goede toebehoiren(de) wout(ere)n colve/ hue(re)n brued(er) op dat hij noch livich en(de) leven(de) es buyte(n) lants hem houden(de)/ dair naest geleg(en) inde steenstrate neve(n) die craye der pointe(n) en(de) (con)dicien/ hier nae volgen(de) die zij malcande(re)n gelooft hebben voir hen hue(re)n erven/ en(de) nacomeling(en) vast en(de) gestentich tonderhoude(n) en(de) tacht(er)volgen Inde(n) yerste(n) sal/ de vors(creven) claes in en(de) op der vors(creven) [jouffr(ouwe)] magriete(n) muer va(n) hue(re)n huyse van ond(er) tot/ boven behoirlic bij hem en(de) tsijne(n) coste opgemaict zijnde met sijne(n) balken en(de)/ allen ande(re)n ty(m)merwercke dat hij behoeve(n) sal aldair te maken in en(de) opvare(n)/ tsijne(n) vordele en(de) p(ro)fite en(de) sonder hue(r) met sijnen wercke eenige schade/ oft hynder te doene en(de) die scouwe die dair begonne(n) is gemaict te/ wordde(n) sal hue(r) de vors(creven) claes sonder hue(re)n cost werkelic doen op/ maken It(em) soe wat biden vors(creven) claese in zijn werc gebroken wort/ dat sal de vors(creven) claes insgelix sonder hue(re)n cost doen hermaken mair/ zij sal te huerweert behouden dat dair af vallen sal van hairs/ weghen ende die selve claes sal hebben ende behouden die/d tiechelen It(em) sal de vors(creven) claes sijn water afleiden van sijnen/ goeden sonder cost en(de) last der vors(creven) jouffr(ouwe) magriete(n) oft hue(re)n erve(n)/ vors(creven) en(de) dat alsoe houden tot eeuwigen daigen op sijne(n) last It(em)/ sal die vors(creven) claes der vors(creven) jouffr(ouwe) jairlix geve(n) en(de) betalen te kersmis(se)/ neghen stuvers erfliker rinte(n) die staen selen ter quiting(en) elke(n) pe(n)ninc/ met achtienen gelike(n) pe(n)ning(en) en(de) met vollen rinte(n) drie pl(a)c(ken) voir elken/ stuver gerekent dierste betalinge dair af ingaende van kersmisse/ naistcomen(de) over twee jair v(er)volgen(de) en(de) niet eer cor(am) couck(eroul) reth(eman)/ decembr(is) vii