It(em) henric lyedens sone wijlen jans ende katheline zijn wijf woenen(de)/ te tieldonc in p(rese)ncia hebben genomen ende bekint dat zij genomen hebben/ van arnde vander borch zone jans wijlen vand(er) borch thof desselfs/ arnts geheeten thof ter elst geleghen inde p(ro)chie van tieldonc metten/ wynnenden landen [bosschen] ende eeusselen dair toe behoiren(de) en(de) allen ande(re)n/ zijne(n) toebehoirte(n) met oic eene(n) boende(r) lants vercrege(n) tegen derfgename(n)/ henricx wijlen vand(er) eect voirman d(er) vors(creven) katheline(n) zoe v(er)re die vors(creven)/ henric lyedens tot noch toe gehouden heeft Item noch een half boender/ lants vercrege(n) we [tege(n)] de erfgenamen arnts van bullestrate(n) It(em) noch ond(er)half/ dach(mael) beemts int wercht(er)broec ende een dach(mael) beemts inde lynd(er)beemde/ die de vors(creven) henr(ick) lyedens buyte(n) der voirpechtinge(n) gehoude(n) heeft Te/ houden te hebben ende te wynnen van halfmeye dat sijn sal anno xiiii[c]/ lxxvii naistcomen(de) eenen t(er)mijn van tweelf van tweelf ja(r)en lang
//
vervolgen(de) elcx jairs dae(re)nbinne(n) Te weten(e) die wynnen(de) lande/ om ende voe(r) vijftich mudde(n) rogs goets en(de) payabels wel bereyt/ met wanne ende vloegelen wael bereyt pacht en(de) mate van/ loeven(e) tsint andriesmisse apostels te betale(n) en(de) int vors(creven) hof/ te leve(re)n ende die voirs(creven) beemde en(de) eeussele om en(de) voe(r) vijfende/ twintich rinsche gul(den) te xx stuv(er)s tstuc sinte mertensmisse te/ betalen den voirs(creven) arnde alle ja(r)e den vors(creven) t(er)mijn due(re)nde/ quol(ibet) ass(ecutu)[m] ende voirt opte vorweerden en(de) (con)dicien h(ier) na bescrev(en)/ Te wete(n) yerst dat de vors(creven) gehuissce(n) den vors(creven) arnde jairlix/ den voirs(creven) t(er)mijn leve(re)n selen int voirs(creven) hof acht mandelen/ roggen stroes ende acht mandelen zomerstroes die de selve/ arnd aldair met sijnen beeste(n) slijte(n) en(de) te meste bekee(re)n/ sal ende tsestich busselen walms om de huisinghe vanden/ vors(creven) hove alsoe wel die ghene die de vors(creven) arnd aldair/ behult ende bewoend alse die tot den vors(creven) hove dienen/ mede te deckene ende alsmen die aldair verdect soe sele(n)/ de selve gehuyssce(n) den wercliede(n) den montcost geve(n) ende/ leve(re)n teene en(de) dacroede(n) d(air) toe behoiren(de) en(de) arnd sal die/ dachue(re)n betalen Item selen de vors(creven) gehuyssce(n) den voirs(creven) arnde/ jairlix binne(n) de(n) vors(creven) t(er)mijne met hue(re)n wagen(en) en(de) p(er)den/ en(de) thue(re)n coste drie daige corweyden ende hem dair toe/ halen en(de) int vors(creven) hof leve(re)n alle dberhoudt dat hij voer sijn/ huysgesin behoift dwelc hij aldair omtri(n)t den hove hebben/ oft coepen sal oft doen maken Voirt selen de vors(creven) gehuyssce(n)/ oic gehoude(n) zijn te halen en(de) int vors(creven) hof te bringe(n) allet ty(m)mer/ houdt datme(n) aende huysinghe van beide(n) woeni(n)ge(n) besigen sal/ ende des sele(n) sij hebben de spaende(r) d(air) af comen(de) It(em) oft arnd e(n)nige/ corweyden vand(en) vors(creven) drie corweyden name die nyet voirde(r)
//
en wa(r)en dan van dair te loven(e) te vare(n) oft alsoe verre zoe/ soude(n) hem de vors(creven) gehuyssce(n) voir de twee dier oft alsulken/ corweyde(n) doen drie corweyde(n) Item sele(n) de vors(creven) gehuysschen/ jairlix den vors(creven) t(er)mijn due(re)nde een boend(er) lants vand(en) lande/ vors(creven) dairs meest te doen sal sijn wel en(de) loflic overmergele(n)/ allessins tot hue(re)n laste It(em) sal de vors(creven) arnd jairlix hebben/ ende behoude(n) dooft vand(en) grote(n) bogarde aldair mair de/ repelinge van dien sonder den wyntslach sele(n) den wynnen/ volge(n) It(em) sal de vors(creven) arnd jairlix behoude(n) de warmoeshof/ aende messie en(de) dien uut(er) selver messien moige(n) behouden/ meste(n) en(de) oic dooft d(air) inne wassen(de) It(em) selen de vorscr(even)/ gehuyssce(n) moge(n) struncken tstrunchout dat opte termpten/ vand(en) voirs(creven) wynnen(de) lande steet ende nyet voird(er) bij alsoe/ dat zij dat leggen ende houwen zelen in sesse laghen en(de)/ ten behoirlik(en) tiden alle ja(r)e een(en) houwe en(de) mair te(n) lesten/ ja(r)e van hue(re)n t(er)mijne en selen zij gheene(n) moge(n) houwen/ ende sij selen jairlix mogen weyden met hue(re)n beeste(n) die/ weyde inde [vors(creven)] bosschen svors(creven) arnts aldair bij alsoe dat zij/ inde spruyte(n) van eenen ja(r)e gheen horenveede en selen/ moige(n) doen noch late(n) doen It(em) sal de vors(creven) arnd den vorscr(even)/ wynne jairlix geve(n) vier ellen [wollens] lakens tot eene(n) tabbarde/ dair op deselve wynne gehouden sal sijn te setten de divisie/ desselfs arnts It(em) en selen de vors(creven) gehuysschen gheen vand(en)/ voirs(creven) landen moghen verhue(re)n om te graven noch selve doen/ grave(n) noch gheen van dien moghen hoervruchten dan alleene/ den hoeck vanden grote(n) blooke acht(er) thof eeussel te weten/ tot aenden wech gaen(de) vand(en) voirs(creven) hove te tieldonc weert/ Item selen die voirs(creven) gehuysschen hebben den cleynen bogart/ tot hue(re)n verdoene It(em) selen de wynne(n) jairlix allet stroe
//
vand(en) voirs(creven) lande jairlix comen(de) boven tstroe en(de) den walm/ voirs(creven) int voirs(creven) hof bringe(n) ende met hue(re)n beesten slijten ende/ te meste bekee(re)n ende dat ende oic dmest van allen den ande(re)n/ stroe dat hij int selve hof bringhen mochte vue(re)n opte voirs(creven)/ lande alsoe wel opte veerste als opte naiste ende die selve/ lande wynne(n) ende werve(n) gelijc reengenote(n) ende die laten/ thue(re)n afscheiden gelijc zijse vinde sculdich zijn te vinde(n) te hue(re)n/ aencome(n) Te wete(n) den wynt(er)art met rogghe besaeyt op vier/ getideghe vore(n) ende inde(n) somerart besaeyt een zister lijnsaets/ ende die gherste op drie vore(n) besaeyt devene op twee vore(n)/ ende de brake eens o(m)megedaen Ende de selve lande eeussele(n)/ en bosschen leve(re)n tot hue(re)n afscheide(n) lev wel en(de) loflic v(er)maict/ beheymt en(de) ongeedt en(de) de grechte(n) over al jairlix grave(n) gelijc/ de wynne vand(er) banc aldair en(de) ande(re) dair omtri(n)t doen selen/ behoudelic dat zij den luec ende beheymsel hier toe jairlijcx/ behoeven(de) sele(n) moge(n) houwen opte vors(creven) goede ter mynst(er) schaden/ en(de) die jairlix alsoe houden staen(de) ten behoirlike(n) tide(n) Oic selen die/ wynnen jairlix moige(n) houwe(n) desgelix huer heytsel dat zij/ behoeve(n) sele(n) mede te backen bij alsoe dat zij den vors(creven) arnde/ mede selen doen maken en(de) leve(re)n alsoe vele heytsels als hij/ aldair behoeven sal Item zelen de vors(creven) gehuyssce(n) jairlix/ vand(en) vors(creven) arnde soe lange sijne(n) t(er)mijn noch due(re)n sal/ overhebben en(de) behouden den vors(creven) die twee deel vander/ thiende(n) die hij aldair hiel hult vand(en) godshuyse van/ pitsenborch elx jairs voer en(de) o(m)me neghentien rinsche gul(den)/ te xx st(uvers) tstuc te halfmeye te betale(n) jairlix alsoe lange als/ desselfs arnts t(er)mijn d(air) af due(re)n sal quol(ibet) ass(ecutu)[m] Met vorweerde(n)/ dat zij die tweedeel en(de) oic dand(er) derdendeel dat arnt selve/ behult innehalen selen en(de) int vors(creven) hof bringe(n) op hue(re)n/ last ende zoe wanneer tstroe van hue(re)n twee deelen en(de)
//
van arnts derdendeele gheedt sal sijn soe selen de gehuyssce(n)/ dmest d(air) af oic vue(re)n opte vors(creven) lande tslants meeste(n) p(ro)fite/ ende sij selen jairlix vue(re)n eenen sac corens van int vors(creven)/ hof tot mechelen dien arnd hen int hof leve(re)n sal ende/ zij sele(n) moige(n) houwe(n) alle verdroechde willege(n) en(de) voir/ elk wed(er) mote(n) sette(n) twee levende pote(n) Es oic vorweerde/ dat de vors(creven) wynne met sijne(n) wagen niet en sal moige(n)/ uutvare(n) noch blive(n) lang(er) dan eene(n) nacht tsmaels ende de/ vors(creven) gehuyssce(n) selen de huysinge vand(en) vors(creven) hove houden/ vand(er) underster rijkelen nederweert totter plate(n) toe van wende(n)/ en(de) pleckagien op hue(re)n cost ende sij selen It(em) zelen de vors(creven)/ gehuysschen talle(n) tide(n) alst arnt des behoeve(n) sal desselfs arnts/ coren ter molen vue(re)n en(de) wed(er)om thui gemale(n) zijnde thuys/ leve(re)n It(em) selen de vors(creven) gehuysschen opte vors(creven) goede een/ vijftich schape van huer selve(n) oft dair zijse crijge(n) selen houde(n)/ ende ofter e(n)nige af storve(n) soe soude(n) zij dat getal weder/ mote(n) volmake(n) zoe en(de) dat getal van dien nyet mynde(re)n mair/ meerde(re)n It(em) selen de gehuysschen hebben half de okernoete/ opde goede wassen(de) en(de) arnd dand(er) helicht des sele(n) de wy(n)ne(n)/ die slaen en(de) ter eerde(n) leve(re)n ende insgelix [de wynne(n) sele(n) hebben geheel] dooft van eene(n)/ appelle(re) en(de) eene(n) inde(n) grote(n) bosch en(de) van eene(n) p(er)rele(re) acht(er)/ de schue(re) Ende alle dese vorweerde(n) cor(am) couck(eroul) reth(eman)/ decembr(is) xx