Voer meye(r) ende scepen(en) van loeven(en) inde banc sprac aen willem thijs/ wettich sone jans thijs metten selven zijnen vader henneken va(n) bierbeke/ seggen(de) dat op tiden voirleden de selve henneken inder geselscap va(n) daneele/ ende heynken de mu(n)tere gebruede(re)n zeke(r) handelinge(n) hadde gehad jeghen/ janne thijs wettich brueder des vors(creven) willems ende wettich sone svaders/ vors(creven) ende jeghen merten(en) de deckere ende opde selve twee strijtghier/ geweest ten huyse peters vander dijlen buyten der borchporte(n) om een/ scamel besmet vrouweken [besmet] van siecheiden die aldair sadt die de vors(creven)/ verweerde(r) metten [en(de) de] vors(creven) twee gebruede(re)n met hen leyden woude(n) dairt/ hen geliefde genoech teghen haren danc Ende dair af de selve verweerde(r)/ ende sijn medepleg(er)e(n) den vors(creven) wijlen janne thijs ende merten(en) aenrichten/ ende beteghen dat zijse souden w hebben willen v(er)antweerde(n) ende soe v(er)re/ strijtghier opden selven wijlen janne thijs ende merten(en) werdden datmen de/ doren en(de) vinste(re)n te(n) huyse des vors(creven) peters vand(er) dijlen dair de selve jan/ ende merten inne waren sluyten moeste ende den vors(creven) janne en(de) mertene/ bescudden dair de voirs(creven) verweerde(r) jan van bierbeke en(de) de vors(creven) gebrued(ere)n/ smu(n)ters elc met eender pijken dicwijle nae den selve(n) janne thijs st ende/ merten(en) staken van buyten inneweert de selve uutdagende en(de) hadden/ dair de weert ende alle die int huys wae(re)n genoech te doene om den/ vors(creven) janne ende merten(en) te bescudden ende te save(re)n thuys te sluyte(n) en(de)/ den vors(creven) verweerde(r) en(de) sijn geselle(n) vors(creven) dair buyte(n) te wee(re)n En(de) dair/ na staken zij alle drie in quaden gelate opde doren ende vinste(re)n die/ gesloten werdden springen(de) op een banxken dat dair van buyten stont/ en(de) dair doer stekende om eenichsins hue(re)n quaden wille te volbringen/ ende als zij voe(r) ter strate(n) [alsoe] niet gedoen en conste(n) liepen zij van besijde(n)/ tot eender doren aenden stal om dair doer te comen en(de) den vors(creven) janne/ en(de) merten(en) te evelen steken(de) dair oic met hue(re)n pijken opde selve dore En(de)/ wes goede suete woirde de selve hennen thijs ende merten spraken de/ vors(creven) jan van bierbeke (en)de gebruede(re)n smu(n)ters p(er)sisteerde(n) altijt in hue(re)n quade(n)/ voirnemen Ende dit hen noch niet genoech sijnde over een wijle geleden
//
als de voirs(creven) jan thijs ende merten met janne coenrart quame(n) uut(er) voirs(creven)/ tavernen peters vand(er) dijlen huers weeghs den langen steenwech inne om/ te gane te wiltsele weert ende hen comen(de) jegen een dweers straetken/ liggen(de) ter zijden vanden selven ten roesselberghe weert aen quamen de vors(creven)/ jan verweerde(r) ende de vors(creven) gebruede(re)n smu(n)ters die int selve straetken/ hen geborgen hadde(n) ende dair laghen met gelaeghder laghen om de vors(creven)/ p(er)soene te evele(n) van hue(re)n live met gevelden pijken in gra(m)men moede/ ende gelate van strijde opde(n) vors(creven) janne thijs ende merten(en) opden selven/ aldair aenrichtinge ende [op hen] gevecht maken(de) dair e(n)nige van hen den vors(creven) janne/ j thijs alsulke(r) quetsue(re)n gave(n) dat hij dair bij corts d(air) nae van live ter/ doot qua(m) ende dat de selve van bierbeke den vors(creven) merten(en) aldair van/ achter stac ende de gelaechde laghe ende den oploep met ghevelder pijken/ soe wel dede als dande(r) ende dat soe de vors(creven) jan verweerde(r) een hulp(er)/ en(de) p(ar)thiderag(er) vand(en) vors(creven) feyte es geweest Ende en mach hem niet/ diene(n) al woude hij segge(n) dat de vors(creven) jan thijs met eene(n) steke doot bleve(n)/ wae(re) en(de) dat hijter niet handedich aen en hadde geweest want hij wae(r)/ mette(n) voirs(creven) gebruede(re)n als hen die bootscap te gelike qua(m) van dat de/ vors(creven) jan thijs doot was vluchtig wordde(n) Hij was oic te wiltsele van/ desen feyte biden officier aldair lodewijcx roelants [ald(air)] aengetast en(de) voer eenen/ dootsleghe(r) gelevert Dese ende meer ande(r) pointe(n) boden de voirscr(even)/ aenlegge(re)n te thoenen hopen(de) oft zijt gethoenen conste(n) dat de vors(creven) jan/ van bierbeke mette(n) vo(n)nisse van scepen(en) totter extremer excucie(n) van/ justicien ende van sijne(n) live gecondempneert soude wordde(n) want en/ wae(re) sijn behulp geweest ende dat hij den vors(creven) gebruede(re)n bijstander/ was ende den vors(creven) merten(en) quetste de selve jan ende merten hadden/ hen jegen de gebruede(re) en(de) alsoe man voer man mogen verweeren/ oft bescudde(n) des zij nu niet en hadden connen gedoen Dair tegen
//
die voirs(creven) jan van bierbeke hem met sijne(n) voerspreke v(er)antweerde/ ende hoopte aen god ende den goeden rechte dat hem die aensprake/ ne(m)mermeer ontstade doen en soude noch dat de vors(creven) aenleggers/ oic huer vermet niet en soude(n) connen bijgebring(en) bij diversen/ pointe(n) en(de) ar(ticu)[len] die hij bijleit te thoene(n) Ende onder den ande(re)n/ dat nae dat tgevechte opden steenwech gebuerde dair de doode/ gequetst was heynken de mu(n)tere een der gebruede(re)n vors(creven) tot hem/ seyde in erren moede ghij hoerensoene wair o(m)me en hebd(en) ons/ niet geholpen ende nam sijn pijke ende smeetse opden vors(creven) verweerde(r)/ ontwee ende dat de selve verweerde(r) doen seide ic en wille niet vechte(n)/ die goede geselle en heeft my niet mesdaen Ende dat de vors(creven) gebrued(ere)n/ tfayt aen hen voer goede manne(n) gedraghen hebben ende den selven/ verweerde(r) ontdraige(n) dat oic heynkens de mu(n)te(re) die feyteur was vriende/ als hij zeder desen feyte opden steenwech opden [aenden] blauwenputte doet wart/ gesteken sijn vriende hem heymelic om dit feyt opt gewijdde droege(n)/ om dat de hee(r) dair over niet en soude richten Dat hij oic nae tfeyt/ heeft gaen wandele(n) acke(re)n en(de) werken sonder hem te absente(re)n Conclude(re)nde/ oft hij dese pointe(n) conde gethoenen dat hij dan tot sijnd(er) conclusien/ sculdich ware te comen niet tegenstaen(de) al tgene des de vors(creven) aenlegge(re)n/ hadde(n) innegeleecht Alsoe dat de scepen(en) van loeven(en) ter manissen [smeyers] nae/ aensprake en(de) v(er)antweerde(n) beide p(ar)tien wijsden tot hue(re)n bethoene/ dair toe zij in wedersijde(n) dach name(n) ende alst quam ten selven/ daghe van thoenen leydden de voirs(creven) p(ar)tien huer wairheit dair/ inne de voirs(creven) aenlegge(re)n sneefden van hue(re)n vermete en(de) p(ar)tien deden/ oic huer allegacien ende debattacien tende(re)nde altijt elc tot sijnder conclusien/ als voe(r) Soe dat ten uut(er)sten alst inden saken gesloten was van beyden/ p(ar)tien ende elc van hen duyt(er)lijc vo(n)nisse begheerde scepen(en) van loeven(en)/ wardden gemaent vanden meye(r) die nae rijpen raid en(de) deliberacie wijsde(n)/ tvo(n)nisse met vollen gevolghe ende desen woirden dat nae aensprake
//
verantweerden ende thoenisse jan van bierbeke de verweerde(r) ongehouden/ soude sijn van sulker aenspraken als de voirs(creven) aenlegghers te hemweert/ gedaen hadden p(res)ntib(us) om(n)ibus scabinis febr(uarii) p(ri)ma