Acht(er)volgen(de) der submissien gepasseert voir scepen(en) van loeven(en) junii xxvii/[lestleden] tusscen meester janne van overwynghe renu(n)c(ians) ter eender/ zijde(n) en(de) roelofve van gheele en(de) claese zijnen sone ter/ ande(re) es der statmeest(ere)n uutsprake dat dmuerken dair questie/ af es ende dwelc geruert steet inde selve submissie ende/ oic in eene(n) brief besegelt bij gheerde van alphen als rint/ meest(er) ons gened(ichs) he(re)n ts(er)togen en(de) ons(er) gened(icher) vrouwen/ van brabant vand(er) daet m driehondert tsestich en(de) zesse/ des xv[d(en)] daichs van april den voirs(creven) meest(er) janne alleene/ toebehoirt ende sculdich es te volgen en(de) dat de vors(creven) roelof/ en(de) sijn sone sculdich zijn binne(n) xiiii nachte(n) naistcomen(de) aftedoene/ alsulken ongebruyc en(de) werc van eenen oven alse zij oft deen/ van hen d(air) op oft inne gedaen en(de) gestelt hebben zoe v(er)re/ de vors(creven) statmeest(ere)n p(ar)tien bescheit alnoch gesien hebben/ cor(am) coukeroul retheman julii t(er)cia