It(em) want een wijle tijts van uuyter voirs(creven) h(er)berghe(n) va(n)/ vrouwe(n) p(er)cke opde(n) putte vande(n) voirscr(even) goede(n) gedoecht/ en(de) genome(n) es va(n) bezijden doer eene dore ald(aer) tusschen/ beyde staen(de) zeker gebruyck uuyte(n) welke(n) oft dat noch/ lange alsoe genome(n) worde zonder behoirlike ky(n)nesse/ te hebbe(n) dat het va(n) gracie(n) gesciedde possessie en(de) erfrecht/ geallig(er)t mocht worde(n) soe is vorweerde tussche(n) de voirs(creven)/ p(ar)tien dat dat gebruyck sond(er) alsulke(r) ky(n)nesse te hebben(e) niet/ meer gedoecht en sal worde(n) Oft neen waert dat anders/ gebuerde oft voirtane meer gedoecht worde zond(er) sulke ky(n)nisse/ en(de) besorchenisse in dien te hebben(e) en(de) dat alsoe mits dien/ de p(ro)p(ri)etar(is) vande(n) voirscr(even) h(er)berghe(n) e(n)nich recht oft gebruyck/ bij gedoeghe va(n) vorde(re)n possessien op te(n) voirs(creven) putte wo(n)nen/ soe es vorweerde dat in dien gevalle de voirs(creven) gehuyssche(n)/ d(er) voirscr(even) geluefte(n) va(n) genoechdoene niet tegenstaen(de) ongehoud(en)/ zijn souden d(aer)af inne te moete(n) staen Es [voort] vorweerde oft/ men uuyte(n) voirscr(even) goede(n) meer oft min bevonde gaen(de) dan/ dwaerscap begrijpt en(de) dat dat gedroeghe ov(er) de drie/ stuv(er)s erffelijck dat dat de v(er)coep(er)s den coepe(r) dmeer en(de)/ de coepe(r) de(n) voirscr(even) v(er)cope(r) dmyn goetdoen soude(n) den d(enier)/ te xviii en(de) d(aer)mede gestaen oick d(er) geluefte(n) va(n) wairscape/ in dien niet tegenstaen(de) cor(am) eisdem