Vander questien die geweest es tussce(n) he(re)n lod(ewijc) van oppendorp canonic/ regulier inde(n) goidshuyse van s(in)[te] g(er)trud(en) te loven(en) en(de) jouffr(ouwe) kathelinen/ van oppenborp zijnd(er) suster beghine int groot beghijnhof te loeven(en)/ in deen sijde cu(m) tutore jan hannarde met jouffr(ouwe) magriete(n) sridd(er)s/ sijne(n) wive in dande(re) alse van alsulk(er) actien alse de selve brueder
//
en(de) suster hebben mochte(n) int hof van redinghen mette(n) toebehorte(n)/ geleg(en) inde p(ro)chie van vertrike sijns p(ar)tien v(er)accordeert bij toedoen/ van e(n)nig(en) hue(re)n magen en(de) vriende(n) inder manie(re)n h(ier) na verclaert/ die sij malcande(re)n gelooft hebben vast en(de) gestentich te houden/ ende te voldoene Te weten dat den voirs(creven) gehuyssce(n) van nu/ voirtane voir hen hue(re)n erve(n) en(de) nacomeling(en) de voirs(creven) goede/ geheelic en(de) al ombeco(m)mert van hen volgen selen tot eeuwig(en)/ daige(n) uutgescheide(n) als van twee mudde(n) corens erflic die lodewijc/ wijlen van oppendorp vader des vors(creven) her lodewijx en(de) jouffr(ouwe) kathijne(n)/ tande(re)n tiden gecocht en(de) gecreg(en) heeft tegen jorise wijlen van udeke(m)/ op tvoirs(creven) goet nae inhoudt der brieven d(aer) af sijnde besegelt bij den/ rintmeest(er) ons gened(ichs) he(re)n te thiene(n) ende der eyghen genoeten/ vand(er) daet xiiii[c] xlviii de(n) xxix[te(n)] dach der maent van nove(m)ber/ dair inne den voirs(creven) he(re)n lodewijken zijn actie en(de) recht geheelic/ en(de) al geres(er)veert is en(de) blive(n) sal uutg(escheiden) dat den vors(creven) h(er) lodewijken/ dat recht en(de) actie gheenssins volgen en sal op de vi oft vii/ boende(re)n lants inde vors(creven) scepen(en) brieve geruert cor(am) couck(eroul)/ ouderogghe oct(obris) xi