It(em) nae der (con)tinuacien die voer meye(r) en(de) scepen(en) van loeven(en)/ gedaen was sept(embri) xxvi lestled(en) vanden daige van rechte/ doe(n) voer meye(r) ende scepen(en) van loeven(en) dienen(de) tusscen pete(re)n vand(en)/ berghe als geleit met scepen(en) brieve(n) van loeven(en) voir sijn wettich/ gebrec tot allen den goeden have en(de) erve he(re)n jans va(n) longchamp/ hee(r) van forneamo(n)t ridde(r) dair hem de voirs(creven) peter leveringhe af/ hadde doen doen in deen zijde ende h(er) peter beame p(ro)cur(eur) des voirs(creven)/ he(re)n jans in dande(re) vanden gescille tusscen de vors(creven) p(ar)tien uutstaen(de)/ dair af den dach der selver (con)tinuacien op heden inde banc diende/ gelijc tregister vand(er) daet voirs(creven) volcomelic begrepen heeft en(de)/ de voirs(creven) peter vand(en) berghe zijn gebrec [recht] voer meye(r) en(de) scepen(en)/ van loeven(en) versochte dair de vors(creven) h(er) peter [niet en] qua(m) Sustine(re)nde/ de vors(creven) peter vanden berghe oft hij niet en quame datmen/ hem vand(en) goeden des vors(creven) he(re)n jans te marilles en(de) dair/ omtri(n)t geleg(en) houden soude in sijne(n) scepen(en) brieve(n) en(de) levering(en)/ die hem vand(en) vors(creven) goeden biden officier vand(er) plaetsen was/ gedaen Soe wijsden de scepen(en) van loeven(en) ter maniss(en) smeyers/ waer de voirs(creven) h(er) peter niet en quame ten opstaene smeyers/ en(de) der scepen(en) datmen den vors(creven) pete(re)n vand(en) berghe tot voldoene/ van sijne(n) gebreke houde(n) soude in sijne(n) scepen(en) brieve(n) ende/ leve(ri)ng(en) alsoe verre alst noch voir scepen(en) come(n) es coram/ meldert couck(eroul) oud(erogge) reth(eman) oct(obris) xii