Hets come(n) in rechte inde banck voir meye(r) en(de) scepen(en) van loven(en)/ willem pierart als procur(eur) jouffr(ouwe) g(er)truyden van langrode zijnder sweg(er)/ weduwe jans wile(n) uuyte(n) hove geh(eten) zedele(re) opdoen(de) hoe hij/ tande(re)n tijde(n) gepant hadde ten huyse arnts de witte dat geh(eten)/ es ons(er) vrouwe(n) huys geleg(en) inde scepstrate opden hoeck vand(er)/ strate(n) geh(eten) wandelwijck voir gebreck va(n) betalinge(n) va(n) eene(n) r(ijnsch)/ guld(en) erflijck die de voirscr(even) weduwe hadde opde selve goide/ Welke pande de selve arnt te meer stonden subtijlijck ende/ met schoene(n) woerden gecrege(n) hadde zonder wete(n) oft consent/ der voirscr(even) weduwe(n) oft huers p(ro)cur(eur)s voirg(noemt) uuyt svorsters/ handen die die pendingen hadde gedaen en(de) zonder dat/ de voirscr(even) weduwe tot hue(re)r betalinge(n) was gecome(n) om dat/ de selve arnt hue(r) die vast vertoge(n) hadde en(de) voirgegaen/ met div(er)sen slincken uuytwege(n) en(de) reden(en) bij he(m) geallig(er)t/ van dat hij gheoccupeert was ind(en) sake(n) m(ijns) gened(ichs) he(re)n als/ offic(ie)r om de crenqueniers pykeniers en(de) wagen(en) uuyt te/ hulpe(n) stelle(n) en(de) ande(re) en(de) hadde oick den voirscr(even) procur(eur) d(aer)/ voe(r) betoge(n) voe(r) den rade vand(er) stat d(er) p(ar)tien van hueren/ gescille(n) ware(n) ge(re)mitteert en(de) gestelt voir meye(r) en(de) scepen(en) va(n)/ loven(en) inde banck recht te geve(n) en(de) te neme(n) Ende want/ de selve procur(eur) nu onlanx weder hadde doen pande(n) voe(r)/ de selve gevalle(n) rinte en(de) den selve(n) arnde die die alsoe/ hij te kynne(n) gaf woude v(er)antweerde(n) doen dach doen ende/ besceyden op en dijssend(age) lestlede(n) om d(aer)inne te procede(re)n/ behoirlijck en(de) met rechte soe de voirs(creven) p(ro)cur(eur) dat p(rese)nteerde/ te bewise(n) mette(n) diene(r) dien he(m) dach hadde besceyde(n) Soe/ versocht de selve procur(eur) want de selve arndt niet en
//
compareerde dat hij die pande exeque(re)n mochte met rechte/ en(de) zijn gevalle(n) ombetaelde rinte met coste en(de) co(m)me(r) d(aer)aen/ neme(n) en(de) v(er)reycken hoepende dat dat alsoe nae recht sculd(ich)/ wae(re) te geschien hem des getroesten(de) totte(n) vo(n)nisse Waer op/ de scepen(en) gemaent beg(er)den taenhore(n) de(n) diene(r) die de(n) voirs(creven)/ arnde dach hadde besceyde(n) d(aer)op jasp(er) claus ae(n)gehoirt/ droech dat hij den selve(n) arnde alsoe dach hadde beteykent/ Ende d(aer)entende(n) de scep(enen) voirt gemaent wijsden met vo(n)nisse/ eve(n)v(er)re de voirs(creven) arndt niet en quame te(n) opstane smeyers/ en(de) der scepen(en) dat de vors(creven) wed(uwe) huer recht voirt opde/ gepande pande om hue(re)n erfchijs met coste en(de) co(m)me(r) va(n)/ rechte te crige(n) procede(re)n soude moege(n) cor(am) om(n)ib(us) scab(inis)/ dempt(is) roelofs borch nove(m)br(is) vii