It(em) al eest dat inde maent van april lestlede(n) jouffr(ouwe)/ lijsbeth pa(n)nesterts weduwe roelofs wile(n) corsbout/ aengesproke(n) heeft gehadt symone kemel en(de) m(ar)griete(n)/ spaens zijne(n) wive ten ocsuyn va(n) ii(½) rijd(er)s lijfpen(sien) voirtijts/ bekint voir scepen(en) van loven(en) onder ande(re) va(n) rutghert
//
wijlen spaen vader der voirs(creven) m(ar)grieten ald(aer) met vo(n)niss(en)/ van scepen(en) van loven(en) te dier tijt de voirs(creven) symoen/ quijtgewijst was vander opticht d(er) selv(er) jouffr(ouwe) lijsbette(n)/ inder mate(n) tvo(n)nisse va(n) dese(n) ge(re)gistreert in des(er) came(re)n/ xxv ap(ri)lis lestlede(n) volcomelijck begrijpt Nochtan heeft/ de selve weduwe wed(er)om cortelinghe den voirs(creven) symone/ aengesproke(n) en(de) vander selver sake(n) dair de voirscr(even)/ symoen tvoirs(creven) vo(n)nisse dede lesen meynen(de) d(er) voirscr(even)/ aenspake(n) [ongehoud(en)] te wese(n) ende dat hem tvoirs(creven) vo(n)nisse/ diffinitijf zijnde ghenoech wae(re) Dair op scepen(en) va(n)/ loven(en) gemaent vanden meye(r) gewijst hebbe(n) voir een/ vo(n)nisse dat zij blive(n) bij alsulke(n) vo(n)nisse als huere/ voirsete(n) van des(er) sake(n) gewijst hadden cor(am) om(n)ib(us) scab(inis)/ nove(m)br(is) xxi