Alse vand(en) xxv ryns guld(en) erfrinte(n) die mathijs vand(en) berghe/ met seke(re)n zijnen medegaringen ende met scepen(en) brieve(n)
//
van loeven(en) op seke(r) goede willems wilen van daelhem/ gelege(n) te aetrode d(aer)af jouffr(ouwe) else wed(uwe) desselfs wilen/ willems meynde dat de selve mathijs sculdich wae(re) mede/ te contribue(re)n nae advenant vand(en) selven rinten inde bede/ m(ijns) gened(ichs) hee(re)n en(de) den last d(aer) af te hulpe(n) drage(n) Dair/ af de voirs(creven) mathijs sustineerde de contrarie en(de) meynde/ bij diversen reden(en) dat hij d(aer) af gheene bede sculdich/ en was want de onderpande soe hij seide oude/ stocgoede wae(re)n d(aer) af men gheene bede sculdich en/ wae(re) en(de) oic bij dien dat de voirs(creven) wilen willem va(n)/ daelhem en(de) de selve jouffr(ouwe) voirmaels gelooft hadden alle/ lasten van pontgelde ende ande(re)n sculden opde goede comen(de)/ te drage(n) Es overdrage(n) p(ar)tien int lange gehoirt dat/ de voirs(creven) mathijs verdoelt is op de wed(uwe) om bij huer vander/ voirs(creven) beden der voirs(creven) rinte(n) ontlast te zijne Mair mathijs/ mach vander beden deser rinte(n) hem ontwercken jege(n) de/ bedesetters vand(er) plaetsen op dat hij can en(de) met rechte/ in ple(n)[o] (con)s(ilio) januar(ii) viii