Op heden in rechte voir meye(r) en(de) scepen(en) en(de) in geba(n)nend(er)/ vierschare(n) hebben hen roelof van deurne en(de) barbele/ va(n) muysen(en) zijn wijf soe voir hen selve(n) soe als p(ro)cur(eur)s/ vand(en) weduwe(n) jacops wijle(n) van muysen(en) moed(er) der/ voirs(creven) barbelen gep(rese)nteert te rechte te staen(e) tege(n) ja(n)ne oeden/ van weve(r) op dat hij hem recht hadde willen/ vermeten tot drie dach(mael) lants wilen jans scevels/ wae(re)n inde prochie va(n) s(in)[te] pet(er)s vissenake gelege(n) ter/ plaetsen geh(eten) te streke en(de) oic tot twee sacke core(n)s pacht/ van weve(r) en(de) mate va(n) thiene(n) die de selve jan/ wijlen schevel hadde op twee d(er)dendeele va(n) eene(n) boend(er)/ lants inde voirs(creven) prochie gelegen t(er) plaetsen geh(eten) t(er) rode/ nae beg(er)t van scepen(en) brieve(n) va(n) loven(en) d(aer) op gemaict/ Uuyt crachte van welken brieve(n) voir twee sacke corens/ erflijc de voirs(creven) drie dach(mael) lants gelev(er)t wae(re)n den bringe(r)/ vand(er) stat brieve(n) henr(ic) vande(n) zijpe alsoe hij dat gecleert/ heeft d(aer)af den beteeken(de) dach des voirs(creven) jans oeden lange/ ov(er)leden es om datmen voe(r) heden niet gedingt en heeft/ nochta(n) dat de genechte(n) altoes met rechte v(er)daicht sijn en(de)/ d(aer) en is de voirscr(even) jan oeden noch nyema(n)t va(n) zijne(n) wege(n)/ gecome(n) in scampno m(ar)tii q(ua)rta