Item peter haveloes wijng(ar)de(r) in p(rese)ncia heeft gehuert/ ende bekint dat hij gehuert heeft teghen ja(n)ne fyen/ een vie(re)ndeel wijng(ar)ts geleg(en) inde wijng(ar)tstrate tussche(n)/ ja(n)ne wellens t(er) eender zijden en(de) tcloester vand(en) wittev(r)[o](u)we(n)/ te loven(en) ter ande(re) Te houden te hebbe(n) en(de) te gebruyke(n)/ va(n) wijntijde naestcomen(de) incluys eene(n) t(er)mijn va(n) vijf/ jare(n) d(aer)nae volgen(de) bynne(n) den welke(n) vi vruchte(n) den/ voirscr(even) pete(re)n d(aer)af volge(n) sele(n) Elx jaers d(aer)enbynne(n) om/ en(de) voe(r) den derden druyff jairlix vande(n) selve(n) goede(n) comen(de)/ die de voirscr(even) pet(er) sculdich sal zij(n) te wijntide ja(n)ne/ te leve(re)n in gheerts gherijs persse inde wijng(ar)tstrate/ cor(am) roelofs berghen maii vii