It(em) jan vand(en) berghe meye(r) van nethen(en) heeft geclaert/ bij zijne(n) eede die hij tot sijnd(er) officie(n) heeft gedaen ten/ versuecke willems va(n) haesdonc dat hij uut bevele en(de)/ laste der stad va(n) loeven(en) uut voirgaen(de) sc(ri)ven(en) aen hem/ gedae(n) en(de) ten versueke desselfs willems van haesdonc/ in rasteme(n)te dede des goensdaechs nae plamsondach/ lestlede(n) oft d(aer) omtrint ten huyse gheerts vand(en) veken(en)/ te nethen(en) en(de) elswaer inde selve prochie alle de haeflike/ goede gheerts vand(en) veken(en) die d(aer) bleve(n) wae(re)n bove(n) de/ ghene die d(aer) uut gepant wae(re)n van wege(n) jaspars/ claes en(de) dat die alnoch alsoe onder tselve/ rastem(en)t staen cor(am) roelants berghen junii xxvi